- મુકેશ અંબાણીને જાનથી મારી નાખવાની ધમકી
- ઈમેઈલ દ્વારા મુકેશ અંબાણીને મળી ધમકી
- ઈમેઈલ પર રૂ.20 કરોડની માંગી ખંડણી
ઉદ્યોગપતિ મુકેશ અંબાણીને ઈમેઈલ દ્વારા ધમકી મળી છે અને તેમની પાસેથી 20 કરોડ રૂપિયાની માંગણી કરવામાં આવી છે. ગાંવ દેવી પોલીસ સ્ટેશનમાં કલમ 387 506 (2) હેઠળ એફઆઈઆર નોંધવામાં આવી છે. મુકેશ અંબાણીના સુરક્ષા પ્રભારીએ આ કેસ નોંધ્યો છે. જણાવવામાં આવી રહ્યું છે કે મુકેશ અંબાણીને ઈમેલ દ્વારા જાનથી મારી નાખવાની ધમકી મળી છે. શાદાબ ખાનના નામે ધમકીભર્યો ઈમેલ આવ્યો છે.
મુકેશ અંબાણીને જાનથી મારી નાખવાની ધમકી
ધમકીભર્યા ઈમેલમાં લખ્યું છે કે, જો તમે અમને 20 કરોડ રૂપિયા નહીં આપો તો અમે તમને મારી નાખીશું. અમારી પાસે ભારતમાં શ્રેષ્ઠ શૂટર્સ છે. (IF you don't give us 20 crore rupees, we will kill you, we have the best shooters in india)
પોલીસે જણાવ્યું હતું કે આ ધમકી 27 ઓક્ટોબરે શાદાબ ખાન નામના વ્યક્તિ દ્વારા મોકલવામાં આવી હતી. મુકેશ અંબાણીના નિવાસસ્થાન એન્ટિલિયાના સુરક્ષા અધિકારીઓએ તેમને જાનથી મારી નાખવાની ધમકીઓ આપી હોવાનું તેમના ધ્યાને આવતાં પોલીસે ફરિયાદ નોંધી હતી.
ગયા વર્ષે પણ ધમકી મળી
ગયા વર્ષે પણ મુકેશ અંબાણીને જાનથી મારી નાખવાની ધમકી મળી હતી. ત્યારબાદ એક વ્યક્તિએ દક્ષિણ મુંબઈની સર એચએન રિલાયન્સ ફાઉન્ડેશન હોસ્પિટલને ફોન કરીને કહ્યું હતું કે તે હોસ્પિટલને ઉડાવી દેશે અને મુકેશ, નીતા અંબાણી અને તેમના બંને પુત્રોને પણ મારી નાખશે. આ સાથે આરોપીઓએ અંબાણીના ઘર એન્ટિલિટાને બોમ્બથી ઉડાવી દેવાની ધમકી પણ આપી હતી.
ઘર પાસે વિસ્ફોટકો ભરેલી કાર મળી આવી હતી
2021માં પણ મુકેશ અંબાણીના ઘર પાસે વિસ્ફોટકોથી ભરેલી કાર મળી આવી હતી જે બાદ સનસનાટી મચી ગઈ હતી. તેમના ઘર એન્ટિલિયા પાસે કાર મળી આવ્યા બાદ અંબાણીના જીવને જોખમ હોવાનું કહેવાય છે. પોલીસને કારમાંથી 20 જિલેટીન સ્ટિક અને એક પત્ર મળ્યો હતો જેમાં અંબાણી પરિવારને ધમકી આપવામાં આવી હતી.
