દુનિયાની સૌથી મોટી ઇ-કોમર્સ કંપનીમાં એક એમેઝોન કંપનીએ તેના 30,000 કોર્પોરેટ કર્મચારીની છટણી શરૂ કરી દીધી છે. રોયટર્સના એક રિપોર્ટ અનુસાર આ પગલુ કંપનીના નફામાં સતત ઘટાડો અને ભવિષ્યની રણનીતીને ધ્યાનમાં રાખીને લેવામાં આવ્યુ છે. કોરોના મહામારી દરમિયાન દુનિયાની સૌથી મોટી ઇ-કોમર્સ કંપની એમેઝોને મોટા પાયે ભરતી શરૂ કરી હતી. હવે સ્થિતિ બદલાઇ રહી છે આથી કંપનીએ પોતાના હિતને ધ્યાનમાં લઇને આ નિર્ણય કર્યો છે. કંપનીએ પોતાના વર્કફોર્સને બેલેન્સ કરવા આ પ્રયત્ન શરૂ કર્યો છે.

મહામારીમાં આડેધડ ભરતી કરવામાં આવી હતી

કંપની સતત પોતાના બચાવ પક્ષમાં આવુ કહી રહી છે કે છેલ્લા કેટલાક વર્ષોમાં ખાસ કરીને કોરોના કાળમાં જ્યારે ઓનલાઇન શોપિંગ વધ્યુ ત્યારે જરૂરતથી પણ વધારે લોકોની મેગા ભરતી કરવામાં આવી હતી. આ દરમિયાન સતત મળતા ઓર્ડરને પહોંચી વળવા કંપનીએ આ મથામણ શરૂ કરી હતી. હવે ધીરે ધીરે બજાર સામાન્ય સ્થિતિમાં આવવા લાગ્યુ છે લોકો ફરી એકવાર માર્કેટમાં જઇને ખરીદી કરવાનું પસંદ કરે છે કેટલાયે વિસ્તારોમાં તો હવે લોકો ઓનલાઇનથી દૂર ભાગી રહ્યા છે ત્યારે કંપનીએ આ નિર્ણય લેવો પડ્યો છે. કંપનીની સ્થિતિ એવી છે કે ખરચાઓને પહોચાતુ નથી કર્મચારીઓને પગારના ફાંફાં છે આથી કામકાજમાં સંતુલન જાળવી રાખવા માટે આ નિર્ણય લેવાયો છે.

આ પહેલા 2022ના અંતમાં એમેઝોન કંપનીએ 27,000 કર્મચારીઓને ઘરનો રસ્તો બતાવી દીધો હતો. ત્યાર પછી સીધા 30,000 કર્મચારીએ ઘરભેગા કરી દેવા આ મેગા છટણી કહેવાય.

10 કર્મચારીઓમાંથી 1ની જશે નોકરી

કંપની પાસે દુનિયાભરમાં લગભગ 15.5 લાખ કર્મચારીઓ છે જેમાં મોટી સંખ્યામાં વેરહાઉસ અને ડિલીવરી નેટવર્ક સાથે જોડાયેલ સ્ટાફનો સમાવેશ થાય છે. આ રીતે જોવા જઇએ તો 30,000 કર્મચારીની છટણી કંપની માટે બહુ નાની વસ્તુ કહેવાય. જો કે આ નિર્ણયની અસર કંપનીમાં કામ કરતા કર્મચારીઓ પર જરૂરથી પડશે. તેમનો હવે કંપની પરનો વિશ્વાસ ડગમગવા લાગશે.

એમેઝોન પાસે 3.5 લાખ કોર્પોરેટ કર્મચારી છે

એમેઝોન પાસે 3.5 લાખ કોર્પોરેટ કર્મચારી છે, આ એ લોકો છે જે ફક્ત ઓફીસમાં બેસીને મેનેજમેન્ટ, ટેકનોલોજી, પ્લાનિંગ અને રણનીતિ નક્કી કરવાનું કામ કરે છે, આ છટણીનો અર્થ છે કંપની 10% કોર્પોરેટ કર્મચારીના સ્ટાફમાં ઘટાડો કરી દેશે.

શું ટેકનોલોજી વધારી રહી છે મુશ્કેલી?

કંપનીના સીઇઓ એન્ડી જેસી પહેલા જ કંપનીમાં વધતી બ્યુરોક્રેશીને ઓછી કરવાની વાત કરી ચુક્યા છે. આર્ટિફિશિયલ ઇન્ટેલીજન્સ (AI)ના વધતા ઉપયોગના કારણે ભવિષ્યમાં હજુ વધારે નોકરી ખોવાનો ભય સેવાઇ રહ્યો છે.