અમેરિકાની દિગ્ગજ ટેક કંપની માઇક્રોસોફ્ટ ભારતામાં 17.5 બિલિયન ડોલરનું રોકાણ કરશે. એશિયામાં કંપનીનું અત્યાર સુધીનું આ સૌથી મોટું રોકાણ હશે. માઇક્રોસોફ્ટના CEO સત્ય નડેલાએ મંગળવારે X પર કરવામાં આવેલી એક પોસ્ટ દ્વારા આ માહિતી આપી. ભારતમાં માઇક્રોસોફ્ટનું આ રોકાણ AI ક્ષેત્રમાં રહેશે.
સત્ય નડેલાએ X પર શેર કરી માહિતી
માઇક્રોસોફ્ટના CEO સત્ય નડેલાએ આજે પ્રધાનમંત્રી નરેન્દ્ર મોદી સાથે મુલાકાત કરી હતી. તેમણે મુલાકાત પછી X પર તેમની સાથેનો એક ફોટો પણ પોસ્ટ કર્યો. સત્ય નડેલાએ ફોટો પોસ્ટ કરતાં માઇક્રોસોફ્ટના નવા ઈન્વેસ્ટમેન્ટ પ્લાન વિશે માહિતી આપી. સત્ય નડેલાએ X પર લખ્યું, ભારતના લક્ષ્યો અને મહાત્વાકાંક્ષાઓને સમર્થન આપવા માટે માઇક્રોસોફ્ટ 17.5 અબજ ડોલરનું રોકાણ કરવાની પ્રતિબદ્ધતા વ્યક્ત કરે છે. એશિયામાં આ અત્યાર સુધીનું અમારું સૌથી મોટું રોકાણ હશે. આ રોકાણથી ભારતના AI ભવિષ્ય માટે જરૂરી ઇન્ફ્રાસ્ટ્રક્ચર, કુશળતાઓ અને સૉવરેન ક્ષમતાઓ વિકસિત કરી શકાશે.
