ભારતીય ટુ-વ્હીલર માર્કેટમાં છેલ્લા કેટલાક સમયથી પ્રીમિયમ અને સ્ટાઇલિશ બાઇક્સનો ક્રેઝ ઝડપથી વધી રહ્યો છે. વર્ષ 2026 બાઇક પ્રેમીઓ માટે અત્યંત રોમાંચક રહેવાનું છે, કારણ કે વિશ્વવિખ્યાત બ્રાન્ડ્સ ભારતભરમાં તેમની શક્તિશાળી બાઇક્સ લોન્ચ કરવાની તૈયારી કરી રહી છે. ભારતીય માર્કેટમાં હવે લોકો માત્ર માઇલેજ નહીં, પણ પાવર અને લૂકને પણ મહત્વ આપી રહ્યા છે. આ જરૂરિયાતને પૂરી કરવા માટે BMW, રોયલ એનફિલ્ડ અને નોર્ટન જેવી કંપનીઓ મેદાનમાં ઉતરી રહી છે.
BMW F 450 GS
BMW મોટરાડ ફરી એકવાર એન્ટ્રી-લેવલ એડવેન્ચર સેગમેન્ટમાં ધમાકેદાર વાપસી કરી રહી છે. આ બાઇકનું ઉત્પાદન ચેન્નાઈ પાસે આવેલા TVSના પ્લાન્ટમાં શરૂ થઈ ચૂક્યું છે. તેમાં નવું 420 cc પેરેલલ-ટ્વિન એન્જિન મળશે. આક્રમક ડિઝાઇન અને X શેપવાળા ક્વાડ-LED DRL સાથે આ બાઇક યુવાનોની પહેલી પસંદ બની શકે છે.