ભારતીય ઓટોમોબાઈલ માર્કેટમાં પોતાનો દબદબો જાળવી રાખવા માટે હ્યુન્ડાઈ (Hyundai) આ વર્ષે મોટી તૈયારી કરી રહી છે. કંપની આ વર્ષે કુલ 3 નવા મોડલ લોન્ચ કરવાની યોજના બનાવી રહી છે, જેમાં બે પોપ્યુલર કારના ફેસલિફ્ટ વર્ઝન હશે અને એક સંપૂર્ણપણે નવી કોમ્પેક્ટ ક્રોસઓવર કાર હશે. આ સમાચારથી મારુતિ સુઝુકી અને ટાટા મોટર્સ જેવી દિગ્ગજ કંપનીઓ માટે સ્પર્ધા વધી શકે છે.
નવી Hyundai Exter 2026 (ફેસલિફ્ટ)
હ્યુન્ડાઈની સૌથી વધુ વેચાતી માઇક્રો SUV 'એક્સ્ટર' નવા અવતારમાં જોવા મળશે. ફ્રન્ટ ગ્રીલ, બમ્પર અને આઇકોનિક H-શેપ DRLમાં ફેરફાર જોવા મળશે. પાછળના ભાગમાં નવું ટેલગેટ અને ટેલલેમ્પ સેટઅપ હશે. મોટી ઇન્ફોટેનમેન્ટ સ્ક્રીન, ડિજિટલ ક્લસ્ટર અને નવી સીટ કવરિંગ સાથે પ્રીમિયમ ફીલ મળશે. એન્જિનમાં કોઈ ફેરફાર નહીં થાય. તે 1.2 લિટર નેચરલી એસ્પિરેટેડ પેટ્રોલ અને CNG વિકલ્પ સાથે ચાલુ રહેશે.
