બોલીવુડના જાણીતા અભિનેતા વિકી કૌશલે પોતાના કાર કલેક્શનમાં વધુ એક અલ્ટ્રા લક્ઝરી કારનો ઉમેરો કર્યો છે. તેમણે તાજેતરમાં Lexus LM 350h 4S ખરીદી છે. વિકી કૌશલ હાલમાં સંજય લીલા ભણસાલીની નવી ફિલ્મની તૈયારી કરી રહ્યા છે અને એક ઇવેન્ટમાંથી બહાર નીકળતી વખતે તેઓ પોતાની નવી, ચળકતી સોનિક ક્વાર્ટઝ કલરની કારમાં જોવા મળ્યા હતા, જેણે સૌનું ધ્યાન ખેંચ્યું હતું.
કિંમત અને પ્લેટફોર્મ
Lexusની રેન્જમાં LM 350h 4S સૌથી ટોપ મોડેલ છે. ભારતમાં તેની એક્સ-શોરૂમ કિંમત રૂ.2.69 કરોડથી શરૂ થાય છે. આ MPV વિશ્વભરમાં તેની અત્યંત આરામદાયક સીટિંગ અને લક્ઝરી કેબિન માટે જાણીતી છે. આ કાર ટોયોટા વેલફાયર વાળા GA-K પ્લેટફોર્મ પર બનેલી છે, પરંતુ તેને સંપૂર્ણપણે અલ્ટ્રા-લક્ઝરી લાઉન્જની જેમ તૈયાર કરવામાં આવી છે.
લક્ઝરી અને ફીચર્સથી ભરપૂર કેબિન
વિકી કૌશલે આ કારનું સૌથી ટોપ મોડેલ લીધું છે, જેમાં 4 સીટવાળું '4S' કન્ફિગરેશન છે. કેબિનને વચ્ચે એક લાંબા પાર્ટીશનથી બે ભાગમાં વહેંચવામાં આવ્યું છે, જેનાથી પાછળની સીટો પ્રાઇવેટ સૂટ જેવી લાગે છે. પાછળની બે મોટી એરલાઇન જેવી રેક્લાઇનર સીટો છે, જેમાં વેન્ટિલેશન, હીટિંગ, ઘણા પ્રકારના એડજસ્ટમેન્ટ અને સૌથી મોટી વાત તો મસાજની સુવિધા પણ મળે છે. પાછળ બેઠેલા લોકો માટે 23-સ્પીકર સરાઉન્ડ સાઉન્ડ સિસ્ટમ, ફોલ્ડ-આઉટ ટેબલ, યુએસબી પોર્ટ્સ, રિયર ટચસ્ક્રીન અને હીટેડ આર્મરેસ્ટ્સ પણ આપવામાં આવ્યા છે.
એન્જિન અને પાવર
આ કારમાં સ્ટ્રોન્ગ-હાઇબ્રિડ સિસ્ટમ છે, જેમાં 2.5-લિટર પેટ્રોલ એન્જિન અને ઇલેક્ટ્રિક મોટર એકસાથે કામ કરે છે. આ સેટઅપ 246 bhp ની પાવર અને 239 Nm નો ટોર્ક આપે છે, જે વધુ સ્મૂધ ડ્રાઇવિંગ અને સારું માઇલેજ પ્રદાન કરે છે. તેની ટોપ સ્પીડ 190 કિમી પ્રતિ કલાક છે.
વધુ સમાચાર વાંચવા માટે ક્લિક કરો
