ઑફ-રોડિંગના શોખીનો માટે આ એક ઉત્તમ સમાચાર છે! ભારતમાં 4×4 SUVsનો ક્રેઝ વધી રહ્યો છે અને ટૂંક સમયમાં જ ઘણી નવી કાર્સ લોન્ચ થવાની છે. મહિન્દ્રા અને MG આ રેસમાં આગળ છે. આગામી સમયમાં મહિન્દ્રા સ્કોર્પિયો-N ફેસલિફ્ટ, મહિન્દ્રા થાર ફેસલિફ્ટ, MG મેજેસ્ટર અને ટાટા સીએરા EV જેવી શક્તિશાળી SUVs લોન્ચ થશે. આ કાર્સમાં કઈ નવી વિશેષતાઓ હશે અને તેમની કિંમત શું હશે, તે અંગેની વિગતો નીચે મુજબ છે.

મહિન્દ્રા સ્કોર્પિયો-N ફેસલિફ્ટ 4X4

મહિન્દ્રા સ્કોર્પિયો-N ફેસલિફ્ટ આ વર્ષે ઓગસ્ટમાં લોન્ચ થવાની સંભાવના છે. આ કારમાં અપડેટેડ એક્સટીરિયર ડિઝાઇન અને ઘણા નવા પ્રીમિયમ ફીચર્સ હશે. તેમાં 4XPLOR 4X4 સિસ્ટમ હશે, જે શિફ્ટ-ઓન-દ-ફ્લાય 4WD સાથે લો-રેન્જ ગિયરબોક્સ, સ્નો, સેન્ડ, મડ, નોર્મલ જેવા ટેરેન મોડ્સ અને લો-રેન્જ ટ્રાન્સફર કેસ પૂરા પાડે છે. તેની કિંમત 13.80 લાખ રૂપિયાથી 24.80 લાખ રૂપિયાની વચ્ચે હોઈ શકે છે. આ કારમાં 2.2-લિટર ડીઝલ એન્જિન હશે, જે 172 bhpની શક્તિ અને 400 Nm સુધીનો ટોર્ક જનરેટ કરશે. આ ઉપરાંત લેવલ 2 ADAS, 360-ડિગ્રી કેમેરા, પેનોરમિક સનરૂફ અને ડ્યુઅલ 10.25-ઇંચ સ્ક્રીન જેવા ફીચર્સ પણ હોઈ શકે છે.

મહિન્દ્રા થાર ફેસલિફ્ટ 4×4

મહિન્દ્રા થાર થ્રી-ડોર ફેસલિફ્ટ ઓગસ્ટ 2026 માં લોન્ચ થઈ શકે છે. તેમાં થાર રોક્સ જેવી ફ્રન્ટ ગ્રિલ અને એલોય વ્હીલ્સ હશે. કારની 4X4 સિસ્ટમ અને એન્જિન હાલના મોડલ જેવા જ રહેશે. તેમાં 2.2-લિટર ડીઝલ (132 bhp) અને 2.0-લિટર પેટ્રોલ (152 bhp) એન્જિન હોઈ શકે છે. તેની કિંમત 15 લાખથી 18 લાખ રૂપિયાની વચ્ચે હોવાની શક્યતા છે.

MG મેજેસ્ટર 4×4

MG મેજેસ્ટર D+ સેગમેન્ટની SUV હશે, જે આ મહિનાના અંતમાં લોન્ચ થઈ શકે છે. તેની કિંમત 45 લાખથી 50 લાખ રૂપિયાની વચ્ચે હોઈ શકે છે. આ કારમાં ડેડિકેટેડ 4X4 સિસ્ટમ હશે, જેમાં ટ્રિપલ ડિફરન્શિયલ લોક (આગળ, પાછળ, મધ્યમાં), 10 ટેરેન મોડ્સ અને ક્રોલ કંટ્રોલ (એમ-ક્રોલ) જેવા ફીચર્સ હશે. તેમાં 2.0-લિટર ટ્વિન-ટર્બો ડીઝલ એન્જિન હશે, જે 215 bhp પાવર અને 478 Nm ટોર્ક જનરેટ કરશે. કારમાં 810 mm સુધીની વોટર વેડિંગ કેપેસિટી હશે.

ટાટા સીએરા EV AWD: ઇલેક્ટ્રિક ઓફ-રોડિંગ

ટાટા મોટર્સ આવતા મહિને સીએરા SUVનું ઇલેક્ટ્રિક વર્ઝન લોન્ચ કરી શકે છે. સીએરા.EV ની કિંમત 18 લાખથી 25 લાખ રૂપિયાની વચ્ચે હોવાની શક્યતા છે. તેમાં ડ્યુઅલ-મોટર ઓલ-વ્હીલ ડ્રાઇવ સેટઅપ હોઈ શકે છે. આ કારમાં 65 થી 75 કિલોવોટ-કલાકની બેટરી પેક હશે, જે 450 થી 500+ કિલોમીટર સુધીની રેન્જ પૂરી પાડશે.

વધુ સમાચાર વાંચવા માટે ક્લિક કરો