ભારતીય ઓટોમોબાઈલ માર્કેટમાં ભલે ઈલેક્ટ્રિક અને પેટ્રોલ ગાડીઓની ચર્ચા હોય, પણ ડીઝલ SUVનો દબદબો હજુ પણ અકબંધ છે. વર્ષ 2025માં પેટ્રોલ ગાડીઓના વેચાણમાં ઘટાડો જોવા મળ્યો હતો, જ્યારે ડીઝલ ગાડીઓનો હિસ્સો વધીને 18.33% થયો છે. લાંબી મુસાફરી માટે બહેતર માઈલેજ, મજબૂત પર્ફોર્મન્સ અને ઓછો રનિંગ કોસ્ટ હોવાને કારણે આજે પણ ગ્રાહકો ડીઝલ એન્જિન પર વધુ પસંદગી ઉતારી રહ્યા છે. 2026ના અંત સુધીમાં બજારમાં આવનારી નવી ગાડીઓ આ સ્પર્ધાને વધુ તેજ બનાવશે.
MG Majestor: લક્ઝરી અને પાવરનું મિશ્રણ
MG મોટર્સ તેની પ્રીમિયમ SUV મેજેસ્ટર (Majestor) ને 20 એપ્રિલ, 2026 ના રોજ લોન્ચ કરવાની તૈયારીમાં છે. આ ગાડી મુખ્યત્વે ટોયોટા ફોર્ચ્યુનર અને જીપ મેરિડિયન જેવી પ્રીમિયમ ગાડીઓને ટક્કર આપશે. તેમાં 2.0 લિટરનું ટ્વિન ટર્બો ડીઝલ એન્જિન આપવામાં આવ્યું છે, જે 213 hp પાવર અને 479 Nm ટોર્ક જનરેટ કરે છે. 8-સ્પીડ ઓટોમેટિક ગિયરબોક્સ સાથે આ SUV પાવર અને આરામનું ઉત્તમ ઉદાહરણ સાબિત થશે.
મહિન્દ્રાની નવી અપડેટ્સ: સ્કોર્પિયો N અને થાર રોક્સ
મહિન્દ્રા તેની લોકપ્રિય ગાડીઓને નવા અવતારમાં રજૂ કરવા જઈ રહી છે. સ્કોર્પિયો N અને સ્કોર્પિયો ક્લાસિકના ફેસલિફ્ટ મોડલ 2026માં લોન્ચ થશે, જેમાં આધુનિક ફીચર્સ અને નવી ડિઝાઇન જોવા મળશે. બીજી તરફ, મહિન્દ્રા થાર રોક્સમાં હવે 1.5 લિટર ડીઝલ એન્જિનનો નવો વિકલ્પ ઉમેરવામાં આવશે. આ ખાસ કરીને એવા ગ્રાહકો માટે હશે જેઓ બજેટમાં રહીને થારનો લુક અને ડીઝલની એવરેજ મેળવવા માંગે છે.
Kia Seltos: હાઈ-ટેક ફીચર્સ સાથે નવા વેરિઅન્ટ્સ
કિયા ઇન્ડિયા 2026 ના મધ્ય સુધીમાં સેલ્ટોસના સૌથી પ્રીમિયમ વેરિઅન્ટ્સ GTX+ અને X-Line (O) રજૂ કરશે. આ ગાડીઓ ટેક્નોલોજીથી ભરપૂર હશે, જેમાં લેવલ 2 ADAS, 360-ડિગ્રી કેમેરા, હેડ્સ-અપ ડિસ્પ્લે (HUD) અને વેન્ટિલેટેડ સીટ્સ જેવા ફીચર્સ મળશે. બહારથી પણ તેને સ્પોર્ટી લુક આપવા માટે નવા એલોય વ્હીલ્સ અને ગ્રીન બ્રેક કેલિપર્સનો ઉપયોગ કરવામાં આવ્યો છે, જે તેને રસ્તા પર આકર્ષક બનાવશે.
Next-Gen ટોયોટા ફોર્ચ્યુનર: અસલી કિંગનું પુનરાગમન
SUV સેગમેન્ટમાં જેની સૌથી વધુ રાહ જોવાય છે તે છે નવી જનરેશનની ટોયોટા ફોર્ચ્યુનર. 2026ના અંત સુધીમાં આ ગાડી ભારતમાં લોન્ચ થઈ શકે છે. તેમાં વધુ પાવરફુલ 2.8 લિટર ડીઝલ એન્જિન હશે જે તેની ટકાઉપણું અને ઓફ-રોડિંગ ક્ષમતા માટે જાણીતું છે. નવી ફોર્ચ્યુનરમાં પ્રીમિયમ ઇન્ટિરિયર અને અદ્યતન સેફ્ટી ફીચર્સ આપવામાં આવશે, જે તેને ફરી એકવાર આ સેગમેન્ટની લીડર બનાવશે.
વધુ સમાચાર વાંચવા માટે ક્લિક કરો
