ભારતીય ઓટોમોબાઈલ માર્કેટમાં ખાસ કરીને લાંબી મુસાફરી અને ફેમિલી ટ્રિપ્સ માટે 7-સીટર ડીઝલ SUVની માંગ હંમેશા વધુ રહે છે. જો તમે પણ તમારા પરિવાર માટે એક સસ્તું અને પાવરફુલ ડીઝલ વેરિઅન્ટ શોધી રહ્યા છો, તો જાણો કઈ કાર તમારા માટે યોગ્ય રહેશે.
મહિન્દ્રા બોલેરો (Mahindra Bolero)
ભારતીય રસ્તાઓ પર સૌથી લોકપ્રિય અને મજબૂત SUV એટલે બોલેરો. તેની શરૂઆતી કિંમત અંદાજે ₹9.28 લાખ છે. એન્જિન: 1.5-લિટર mHawk ડીઝલ એન્જિન. ખાસિયત: તે ખરાબ રસ્તાઓ અને ઑફ-રોડિંગ માટે શ્રેષ્ઠ છે. તેનો લો મેન્ટેનન્સ ખર્ચ તેને નાના શહેરો અને ગ્રામીણ વિસ્તારોમાં પ્રથમ પસંદગી બનાવે છે.
મહિન્દ્રા બોલેરો નિયો (Bolero Neo)
જો તમને બોલેરોની મજબૂતી સાથે આધુનિક લુક જોઈએ છે, તો બોલેરો નિયો બેસ્ટ છે. તેની શરૂઆતી કિંમત ₹9.43 લાખ છે. તેમાં ટચસ્ક્રીન ઇન્ફોટેનમેન્ટ અને LED ટેલલાઇટ્સ જેવા મોર્ડન ફીચર્સ મળે છે.
ટાટા સફારી (Tata Safari)
પ્રીમિયમ ફીચર્સ અને લુક માટે ટાટા સફારી જાણીતી છે. તેની શરૂઆતી કિંમત ₹14.66 લાખ છે. એન્જિન: 2.0-લિટર ક્રાયોટેક ડીઝલ એન્જિન (170 BHP). ખાસિયત: પેનોરેમિક સનરૂફ અને વેન્ટિલેટેડ સીટ્સ જેવા લક્ઝરી ફીચર્સ સાથે આ એક શાનદાર ફેમિલી SUV છે.
સ્કોર્પિયો ક્લાસિક અને સ્કોર્પિયો-એન (Scorpio)
Scorpio Classic: જેમને જૂનો આક્રમક લુક પસંદ છે તેમના માટે આ બેસ્ટ છે. કિંમત ₹13.03 લાખથી શરૂ થાય છે. Scorpio N: આ એક મોર્ડન SUV છે જેની કિંમત ₹13.61 લાખથી શરૂ થાય છે. તેમાં 4x4 વેરિઅન્ટ અને ADAS જેવા અત્યાધુનિક સેફ્ટી ફીચર્સ ઉપલબ્ધ છે.
મહિન્દ્રા XUV700 (Mahindra XUV700)
ટેકનોલોજી અને લક્ઝરીના શોખીનો માટે XUV700 શ્રેષ્ઠ વિકલ્પ છે. તેની શરૂઆતી કિંમત ₹14.18 લાખ છે. ખાસિયત: આ SUVમાં 360-ડિગ્રી કેમેરા, લેવલ-2 ADAS અને શાનદાર માઈલેજ (17 km/l) મળે છે.
તમારા માટે કઈ SUV શ્રેષ્ઠ?
જો બજેટ ઓછું હોય અને મજબૂતી જોઈતી હોય, તો બોલેરો. જો પ્રીમિયમ ફીચર્સ અને લક્ઝરી જોઈતી હોય, તો સફારી અથવા XUV700. જો ઓફ-રોડિંગ અને સ્ટાઈલ જોઈતી હોય, તો સ્કોર્પિયો-એન.
વધુ સમાચાર વાંચવા માટે ક્લિક કરો
