બ્રિટિશ લક્ઝરી ઓટોમેકર Land Rover દ્વારા ભારતીય બજારમાં તેની અત્યંત લોકપ્રિય SUV Range Rover Autobiography નું નવું વર્ઝન લોન્ચ કરવામાં આવ્યું છે. આ લક્ઝરી SUVની એક્સ-શોરૂમ કિંમત રૂ.1.60 કરોડ નક્કી કરવામાં આવી છે. આ લોન્ચિંગની સૌથી મહત્વની બાબત એ છે કે હવે આ મોડલનું એસેમ્બલિંગ સીધું ભારતમાં જ કરવામાં આવશે. સ્થાનિક સ્તરે એસેમ્બલ થવાને કારણે આ લક્ઝરી કારની કિંમત અગાઉની સરખામણીએ થોડી વધુ સસ્તું અને સ્પર્ધાત્મક રાખવામાં કંપનીને સફળતા મળી છે.
આકર્ષક ડિઝાઇન અને પ્રીમિયમ એક્સટીરિયર
નવી Range Rover Autobiography ની ડિઝાઇન લક્ઝરી અને પાવરનું અનોખું મિશ્રણ છે. આ કારમાં 22-ઇંચના ફોજ્ડ એલોય વ્હીલ્સ આપવામાં આવ્યા છે, જે સાટિન બ્લેક ફિનિશ સાથે અત્યંત પ્રભાવશાળી લાગે છે. તેની સ્પોર્ટી લુકને વધારવા માટે તેમાં લાલ રંગના બ્રેક કેલિપર્સ અને વિશિષ્ટ 'Autobiography' બેજિંગ આપવામાં આવ્યું છે. આ ઉપરાંત, કારમાં સોફ્ટ-ક્લોઝ ડોર્સ અને ડાયનેમિક એક્સટીરિયર પેક જેવી સુવિધાઓ છે. ગ્રાહકો આ SUVને બોરાસ્કો ગ્રે, ઓસ્ટુની પર્લ વ્હાઇટ, સેન્ટોરીની બ્લેક અને કાર્પેથિયન ગ્રે જેવા પ્રીમિયમ કલર વિકલ્પોમાં ખરીદી શકશે.
અદ્યતન ટેકનોલોજી અને આરામદાયક સવારી
આ ફ્લેગશિપ SUVમાં સુરક્ષા અને આરામ માટે અત્યાધુનિક ટેકનોલોજીનો ઉપયોગ કરવામાં આવ્યો છે. ડ્રાઇવિંગ અનુભવને બહેતર બનાવવા માટે તેમાં ઇલેક્ટ્રોનિક એક્ટિવ ડિફરન્શિયલ, ટોર્ક વેક્ટરિંગ, ઓલ-વ્હીલ સ્ટીયરિંગ અને ટેરેન રિસ્પોન્સ પ્રોગ્રામ જેવા ફીચર્સ સામેલ છે. ખાસ કરીને તેનું ડાયનેમિક એર સસ્પેન્શન અને ડાયનેમિક રિસ્પોન્સ પ્રો સિસ્ટમ ઉબડ-ખાબડ રસ્તાઓ પર પણ મુસાફરીને અત્યંત સ્મૂધ અને આરામદાયક બનાવે છે. અન્ય સુવિધાઓમાં જેસ્ચર કંટ્રોલ સાથે પાword ટેલગેટ અને ઓટો-ડિમિંગ સાઇડ મિરર્સ (ORVMs) નો પણ સમાવેશ થાય છે.
એન્જિન પાવર અને સુપરફાસ્ટ સ્પીડ
નવી Range Rover Autobiography ભારતમાં બે એન્જિન વિકલ્પો સાથે ઉપલબ્ધ છે; (1) 3.0 લિટર ડીઝલ એન્જિન: જે 346 bhp પાવર અને 700 Nm ટોર્ક જનરેટ કરે છે. (2) 3.0 લિટર પેટ્રોલ એન્જિન: જે 394 bhp પાવર અને 550 Nm ટોર્ક પ્રદાન કરે છે. આ બંને એન્જિન 8-સ્પીડ ઓટોમેટિક ટ્રાન્સમિશન સાથે આવે છે. સ્પીડની વાત કરીએ તો, આ SUV માત્ર 5.5 સેકન્ડમાં 0 થી 100 km/h ની ઝડપ પકડી લે છે અને તેની ટોપ સ્પીડ 242 km/h છે. જે લોકો વધુ પાવર ઈચ્છે છે તેમના માટે 4.4 લિટર V8 એન્જિન મોડલ પણ ઉપલબ્ધ છે, જે 522 bhp પાવર સાથે માત્ર 4.5 સેકન્ડમાં 100 km/hની ઝડપ હાંસલ કરી શકે છે.
વધુ સમાચાર વાંચવા માટે ક્લિક કરો
