આજના સમયમાં ઇલેક્ટ્રિક વાહનો (EV)નું ચલણ ખૂબ જ ઝડપથી વધી રહ્યું છે. પરંતુ શું તમે જાણો છો કે ચાર્જિંગ દરમિયાન રાખેલી નાની એવી બેદરકારી તમારી કાર અને સુરક્ષા બંને માટે જોખમી સાબિત થઈ શકે છે? ઇલેક્ટ્રિક કારને યોગ્ય રીતે ચાર્જ કરવી એ માત્ર બેટરીની આવરદા વધારવા માટે જ નહીં, પરંતુ સુરક્ષા માટે પણ અનિવાર્ય છે. ચાલો જાણીએ EV ચાર્જ કરતી વખતે કઈ ભૂલો ટાળવી જોઈએ.
બેટરીને ઓવરચાર્જ કરવાનું ટાળો
આધુનિક ઇલેક્ટ્રિક વાહનોમાં બેટરી મેનેજમેન્ટ સિસ્ટમ (BMS) હોવા છતાં, બેટરીની હેલ્થ માટે '80-20 નિયમ' શ્રેષ્ઠ માનવામાં આવે છે. એટલે કે, બેટરીને 20% થી નીચે ન જવા દો અને દરરોજ 80% સુધી જ ચાર્જ કરો. વારંવાર 100% સુધી ચાર્જ કરવાથી લાંબા ગાળે બેટરીની પરફોર્મન્સ ઘટી શકે છે.
યોગ્ય ચાર્જિંગ સ્ટેશનની પસંદગી
તમારા વાહન માટે હંમેશા સાનુકૂળ (જેમ કે CCS2) ચાર્જરનો જ ઉપયોગ કરો. જોકે ફાસ્ટ ચાર્જિંગ સ્ટેશનો અનુકૂળ છે, પરંતુ તેનો સતત ઉપયોગ બેટરીને નુકસાન પહોંચાડી શકે છે. શક્ય હોય ત્યાં સુધી ઘરમાં આપેલા ચાર્જરનો ઉપયોગ કરો, જે બેટરીની લાઈફ વધારવામાં મદદરૂપ થાય છે.
ગુણવત્તાયુક્ત ચાર્જર અને મેન્ટેનન્સ
સસ્તા કે લોકલ બ્રાન્ડના ચાર્જરનો ઉપયોગ કરવાનું ટાળો, કારણ કે તેમાં સુરક્ષા ફીચર્સનો અભાવ હોઈ શકે છે. હંમેશા હાઈ-ક્વોલિટી ચાર્જિંગ ઇક્વિપમેન્ટમાં રોકાણ કરો. તમારા કેબલ અને કનેક્ટર્સની નિયમિત તપાસ કરો કે તેમાં ક્યાંય ઘસારો કે કટ તો નથી ને.
ચાર્જિંગ વખતે સુરક્ષાનું રાખો ધ્યાન
હવા ઉજાસ: ચાર્જિંગ વિસ્તાર સૂકો અને હવા ઉજાસવાળો હોવો જોઈએ જેથી ઓવરહિટીંગની સમસ્યા ન થાય. પ્રતિકૂળ વાતાવરણ: ભારે વરસાદ કે બરફવર્ષા દરમિયાન બહાર ચાર્જ કરવાનું ટાળો. અસામાન્ય ચિહ્નો: જો ચાર્જિંગ દરમિયાન કોઈ વિચિત્ર ગંધ કે અવાજ આવે, તો તુરંત જ કનેક્શન હટાવી દેવું જોઈએ.
વધુ સમાચાર વાંચવા માટે ક્લિક કરો
