વિયેતનામીસ ઇલેક્ટ્રિક વાહન નિર્માતા કંપની વિનફાસ્ટ (VinFast) ભારતીય બજારમાં તેની નવી 7-સીટર ઇલેક્ટ્રિક કાર, VinFast VF MPV 7, લોન્ચ કરવા માટે તૈયાર છે. આ કાર સત્તાવાર રીતે 15 એપ્રિલ 2026 ના રોજ લોન્ચ કરવામાં આવશે. કંપનીએ પહેલેથી જ રૂ.21,000 ની ટોકન રકમ સાથે આ ઇલેક્ટ્રિક MPV માટે પ્રી-બુકિંગ શરૂ કરી દીધું છે. આ કારની કિંમત રૂ.20 થી 25 લાખ (એક્સ-શોરૂમ) ની વચ્ચે રહેવાની ધારણા છે, જે તેને પ્રીમિયમ ઇલેક્ટ્રિક ફેમિલી કારના સેગમેન્ટમાં એક મજબૂત સ્પર્ધક બનાવે છે.

પાવરટ્રેન, બેટરી અને રેન્જ

VF MPV 7 ની સૌથી મોટી વિશેષતા તેની પાવરફુલ બેટરી અને રેન્જ છે. આ કારમાં 60.13kWh ની બેટરી પેક આપવામાં આવી છે, જે સિંગલ ચાર્જ પર 500 કિલોમીટરથી વધુની રેન્જ આપવાનો દાવો કરે છે. તેનું ઇલેક્ટ્રિક મોટર 204hp નો પાવર અને 280Nm નો ટોર્ક જનરેટ કરે છે, જે તેને હાઇવે અને સિટી બંને ડ્રાઇવિંગ માટે સક્ષમ બનાવે છે. ચાર્જિંગની વાત કરીએ તો, 80kW ના DC ફાસ્ટ ચાર્જર દ્વારા આ કાર માત્ર 30 મિનિટમાં 10 થી 80 ટકા સુધી ચાર્જ થઈ શકે છે.

આધુનિક ડિઝાઇન અને ઇન્ટિરિયર

આ કારની ડિઝાઇન આધુનિક અને આકર્ષક છે, જેમાં બોક્સી સિલ્હૂટ અને વિનફાસ્ટની સિગ્નેચર LED લાઇટિંગ જોવા મળે છે. ફ્રન્ટમાં ફૂલ-વિડ્થ LED લાઇટ બાર અને 19-ઇંચના એરો-સ્ટાઇલ એલોય વ્હીલ્સ તેને પ્રીમિયમ લુક આપે છે. અંદરની તરફ, 7-સીટર કેબિનમાં 10.1 ઇંચની ટચસ્ક્રીન આપવામાં આવી છે, જે ઇન્સ્ટ્રુમેન્ટ ડિસ્પ્લે તરીકે પણ કામ કરે છે. ભારતીય મોડેલમાં હેડ-અપ ડિસ્પ્લે (HUD) મળવાની પણ પૂરી શક્યતા છે.

સુરક્ષા ફીચર્સ અને સ્પર્ધા

સુરક્ષા માટે આ ઇલેક્ટ્રિક MPV માં ચાર એરબેગ્સ, ABS સાથે EBD, હિલ-સ્ટાર્ટ આસિસ્ટ અને ઇલેક્ટ્રોનિક પાર્કિંગ બ્રેક જેવા ફીચર્સનો સમાવેશ થાય છે. વધુમાં, તેમાં PM2.5 ફિલ્ટર સાથે ઓટોમેટિક ક્લાઇમેટ કન્ટ્રોલ પણ મળે છે. ભારતીય બજારમાં લોન્ચ થયા પછી, VF MPV 7 ની સીધી ટક્કર Kia Carens EV, BYD eMax7 અને Mahindra XEV 9S જેવા સ્થાપિત મોડેલો સાથે થશે. આ કાર ખાનગી ગ્રાહકોની સાથે કોમર્શિયલ ફ્લીટના ઉપયોગ માટે પણ લોકપ્રિય બની શકે છે.

વધુ સમાચાર વાંચવા માટે ક્લિક કરો