ભારતીય ઓટોમોબાઈલ માર્કેટમાં છેલ્લા કેટલાક સમયથી કોમ્પેક્ટ SUVની માંગમાં જોરદાર ઉછાળો જોવા મળ્યો છે. આ ટ્રેન્ડને ધ્યાનમાં રાખીને અગ્રણી ઓટો કંપની હવે તેના પોર્ટફોલિયોમાં એક નવી નાની SUV ઉમેરવાની તૈયારી કરી રહી છે. ગયા વર્ષે સ્વતંત્રતા દિવસના અવસરે આ કારના કન્સેપ્ટ મોડલ પરથી પડદો ઉઠાવવામાં આવ્યો હતો. તાજેતરમાં ટેસ્ટિંગ દરમિયાન જોવા મળેલા સ્પા શૉટ્સ પરથી અંદાજ લગાવી શકાય છે કે આ નવી કાર તેના મોટા મોડલની વિરાસતને આગળ ધપાવશે.
આધુનિક ડિઝાઇન અને દમદાર લુક
આ નવી કોમ્પેક્ટ SUVની ડિઝાઇન અત્યંત આધુનિક અને બોલ્ડ રાખવામાં આવી છે. તેના પ્રોડક્શન મોડલમાં કંપનીની નવી ડિઝાઇન લેંગ્વેજ જોવા મળશે. કારના ફ્રન્ટમાં સિગ્નેચર વર્ટિકલ સ્લેટ્સ ગ્રીલ, ડ્યુઅલ-ફંક્શન LED DRLs અને ગોળ પ્રોજેક્ટર LED હેડલેમ્પ્સ આપવામાં આવ્યા છે. કારને વધુ મજબૂત લુક આપવા માટે તેમાં મસ્ક્યુલર બમ્પર અને સ્કીડ પ્લેટ્સનો ઉપયોગ કરવામાં આવ્યો છે. સાઇડ પ્રોફાઇલમાં હેવી ક્લેડિંગ અને રૂફ રેલ્સ તેને એક પ્યોર ઓફ-રોડર જેવો લુક આપે છે.