જો તમે શાનદાર પરફોર્મન્સવાળું પ્રીમિયમ ઇલેક્ટ્રિક સ્કૂટર ખરીદવાનું વિચારી રહ્યા છો, તો Keeway India એ ભારતીય બજારમાં પોતાનું નવું ફ્લેગશિપ સ્કૂટર Hypevolt-R લોન્ચ કરી દીધું છે. એડવાન્સ ટેકનોલોજી અને મોર્ડન સેફ્ટી ફીચર્સથી સજ્જ આ સ્કૂટરની પ્રારંભિક એક્સ-શોરૂમ કિંમત રૂ.1.99 લાખ રાખવામાં આવી છે. ગ્રાહકો તેને રૂ.5,000ની ટોકન રકમ આપીને બુક કરી શકે છે, જે ક્રિસ્ટલ વ્હાઇટ અને પ્લેટિનમ ગ્રે જેવા 2 કલર ઓપ્શનમાં ઉપલબ્ધ છે.
દમદાર બેટરી અને સ્પીડ
Keeway Hypevolt-R માં 5.04 kWh નું ડ્યુઅલ રીમુવેબલ NMC બેટરી પેક આપવામાં આવ્યું છે, જે સિંગલ ચાર્જ પર 180 કિલોમીટરની શાનદાર રેન્જ આપે છે. આ સ્કૂટરની મિડ-માઉન્ટેડ મોટર 12 kW નો પીક પાવર અને 72 Nm નો ટોર્ક જનરેટ કરે છે. કંપનીનો દાવો છે કે આ સ્કૂટર માત્ર 2.3 સેકન્ડમાં 0 થી 40 કિમી/કલાકની ઝડપ પકડી શકે છે અને તેની ટોપ સ્પીડ 115 કિમી/કલાકની છે.
ઝડપી ચાર્જિંગ અને રાઇડિંગ મોડ્સ
આ ઇલેક્ટ્રિક સ્કૂટરની બેટરીને વાહનની અંદર અથવા બહાર કાઢીને પણ સરળતાથી ચાર્જ કરી શકાય છે. ઓનબોર્ડ ચાર્જરની મદદથી આ બેટરી માત્ર 3 કલાકમાં 0 થી 80% સુધી ચાર્જ થઈ જાય છે. આ ઉપરાંત, રાઇડર પોતાની જરૂરિયાત મુજબ Eco, Normal અને Sport એમ ત્રણ અલગ-અલગ રાઇડિંગ મોડ્સમાંથી કોઈપણ એકની પસંદગી કરી શકે છે.
એડવાન્સ સેફ્ટી અને ફીચર્સ
ફીચર્સની બાબતમાં આ સ્કૂટર ખૂબ જ એડવાન્સ છે. સુરક્ષા માટે તેમાં ડ્યુઅલ-ચેનલ ABS, ટ્રેક્શન કંટ્રોલ (TCS), હિલ હોલ્ડ કંટ્રોલ અને બ્લાઇન્ડ સ્પોટ ડિટેક્શન જેવા ફીચર્સ આપવામાં આવ્યા છે. સાથે જ તેમાં 5-ઇંચનું TFT ડિજિટલ ડિસ્પ્લે, બ્લૂટૂથ કનેક્ટિવિટી, ઓટો અપડેટ્સ (OTA), યુએસબી ચાર્જિંગ પોર્ટ્સ, રિવર્સ મોડ અને ફુલ LED લાઇટિંગ સેટઅપ જોવા મળે છે.
મજબૂત ડિઝાઇન અને કમ્ફર્ટ
આ સ્કૂટર હાઇ-કાર્બન સ્ટીલ કેજ ફ્રેમ પર બનેલું છે, જે તેને ભારે મજબૂતી આપે છે. તેમાં 14-ઇંચના એલોય વ્હીલ્સ અને ટ્યુબલેસ સેમી-સ્લિક ટાયર્સ આપવામાં આવ્યા છે. સ્કૂટરનું ગ્રાઉન્ડ ક્લિયરન્સ 130 mm, સીટની હાઇટ 770 mm અને વજન 140 કિલોગ્રામ છે. સામાન રાખવા માટે તેમાં 27 લીટરની મોટી અંડર-સીટ સ્ટોરેજ સ્પેસ પણ મળે છે.
વધુ સમાચાર વાંચવા માટે ક્લિક કરો
