મર્સિડીઝ-બેન્ઝ આગામી 15 જૂને ભારતમાં તેની ફ્લેગશિપ લક્ઝરી સેડાન 2026 S-Class Facelift લોન્ચ કરવા જઈ રહી છે. ભારતીય બજારમાં આ કાર પહેલીવાર પ્લગ-ઇન હાઇબ્રિડ (PHEV) ટેકનોલોજી સાથે એન્ટ્રી કરી શકે છે, જ્યારે તેના પેટ્રોલ અને ડીઝલ વેરિઅન્ટ્સ પછીથી લોન્ચ કરવામાં આવશે. ભારતમાં તેની શરૂઆતી કિંમત રૂ.2 કરોડથી વધુ રહેવાની આશા છે.

ડિઝાઇનમાં આકર્ષક અને આધુનિક બદલાવ

નવી S-Class ફેસલિફ્ટના એક્સટેરિયરમાં ઘણા મહત્વના ફેરફારો કરવામાં આવ્યા છે. આ કારની ફ્રન્ટ ગ્રિલને પહેલા કરતાં 20% મોટી કરીને તેની આસપાસ ઇલ્યુમિનેટેડ (રોશનીવાળી) ફ્રેમ આપવામાં આવી છે. ગ્રિલની અંદર નાના ક્રોમ સ્ટાર અને બોનેટ પર મર્સિડીઝનો આઇકોનિક લોગો પણ હવે લાઈટિંગ ઇફેક્ટ સાથે જોવા મળશે. કારમાં સ્ટાર-શેપ DRL અને માઇક્રો-LED ડિજિટલ લાઇટ ટેકનોલોજીવાળા હેડલેમ્પ્સ આપવામાં આવ્યા છે, જે 40% વધુ રોશની આપશે. સાઇડ પ્રોફાઇલમાં નવા 50-સ્પોક એલોય વ્હીલ્સ અને પાછળના ભાગમાં સ્લિમ થ્રી-પોઇન્ટ સ્ટાર LED ટેલલાઇટ્સ મળશે.

એડવાન્સ ADAS અને સેફ્ટી ફીચર્સ

નવી S-Classમાં સુરક્ષાને વધુ મજબૂત કરવા માટે ADAS સિસ્ટમને પહેલા કરતાં વધુ સ્માર્ટ બનાવવામાં આવી છે. આ કારમાં 10 કેમેરા, 5 રડાર અને 10 અલ્ટ્રાસોનિક સેન્સર્સ આપવામાં આવ્યા છે, જે ડ્રાઇવિંગ અને સેફ્ટી ફીચર્સને અત્યંત એડવાન્સ લેવલ પર લઈ જાય છે.

લક્ઝરી ઇન્ટિરિયર અને હાઇ-ટેક AI સિસ્ટમ

કારના ઇન્ટિરિયરમાં જુના વુડન ડેશબોર્ડના સ્થાને હવે ગ્લોસી બ્લેક 'સુપર સ્ક્રીન પેનલ' આપવામાં આવી છે, જેમાં ડ્રાઇવર અને પેસેન્જર માટે 12.3-ઇંચની સ્ક્રીન અને સેન્ટરમાં 14.4-ઇંચની મોટી ટચસ્ક્રીન મળશે. કારમાં નવું MB.OS સિસ્ટમ છે, જે એન્જિન, સસ્પેન્શન અને લાઇટિંગને કંટ્રોલ કરશે. તેમાં રહેલો AI ડિજિટલ આસિસ્ટન્ટ ChatGPT, Gemini અને Bing સાથે કનેક્ટેડ રહેશે. સુરક્ષા માટે ફિંગરપ્રિન્ટ સ્કેનરના સ્થાને હવે ફેસ રેકગ્નિશન સિસ્ટમ અને વિડીયો કોલિંગ માટે ડેશબોર્ડ કેમેરા પણ આપવામાં આવ્યા છે.

વધુ સમાચાર વાંચવા માટે ક્લિક કરો