મારુતિ સુઝુકી ભારતીય ઓટોમોબાઈલ માર્કેટમાં પોતાનું વર્ચસ્વ જાળવી રાખવા માટે મોટી તૈયારીઓ કરી રહી છે. કંપની ટૂંક સમયમાં જ તેની લોકપ્રિય એસયુવી બ્રેઝા (Brezza) નું ફેસલિફ્ટ વર્ઝન અને ફ્રોન્ક્સ (Fronx) નું ફ્લેક્સ ફ્યુઅલ મોડલ લોન્ચ કરવા જઈ રહી છે. તાજેતરમાં જ કંપનીએ તેની પ્રથમ ઇલેક્ટ્રિક એસયુવી, e-Vitara ને રૂ.10.99 લાખની પ્રારંભિક કિંમતે લોન્ચ કરીને ધમાકો કર્યો છે.
નવી મારુતિ બ્રેઝા ફેસલિફ્ટ 2026
મારુતિ બ્રેઝાના અપડેટેડ મોડલને ટેસ્ટિંગ દરમિયાન ઘણી વખત જોવામાં આવ્યું છે. આ નવી બ્રેઝા 2026 આગામી મહિનાઓમાં લોન્ચ થવાની ધારણા છે. આ વખતે બ્રેઝામાં ફ્રોન્ક્સમાંથી લેવામાં આવેલું 1.0 લિટર ટર્બો પેટ્રોલ એન્જિન મળી શકે છે, જે 6-સ્પીડ મેન્યુઅલ ગિયરબોક્સ સાથે આવશે. બહારના ભાગમાં નવા બમ્પર, નવા એલોય વ્હીલ્સ અને કનેક્ટેડ LED ટેલ લેમ્પ્સ જોવા મળશે. ઇન્ટિરિયરમાં મોટી ટચસ્ક્રીન ઇન્ફોટેનમેન્ટ સિસ્ટમ અને નવી અપહોલ્સ્ટ્રી મળવાની શક્યતા છે. હાલના 1.5 લિટર પેટ્રોલ અને CNG એન્જિનના વિકલ્પો પણ ચાલુ રહેશે.
