ટાટા મોટર્સની સૌથી નાની SUV 'ટાટા પંચ' (Tata Punch) ભારતીય ઓટોમોબાઈલ માર્કેટમાં ઈતિહાસ રચી રહી છે. લોન્ચ થયાના માત્ર 5 વર્ષમાં જ 7 લાખથી વધુ વેચાણનો આંકડો પાર કરી પંચ ભારતની સૌથી ઝડપી વેચાતી કાર બની ગઈ છે. જાન્યુઆરી 2025 માં 5 લાખના આંકડા પછી, માત્ર એક વર્ષમાં વધુ 2 લાખ યુનિટ્સ વેચાયા છે. હવે કંપનીએ નવા અવતારમાં ટાટા પંચ 2026 ફેસલિફ્ટ રજૂ કરી છે, જેની ડિલિવરી દેશભરમાં શરૂ થઈ ગઈ છે.
પાવરફુલ એન્જિન અને પર્ફોર્મન્સ
નવી ટાટા પંચમાં સૌથી મોટો અપડેટ નેક્સન (Nexon) માંથી લેવામાં આવેલ 1.2 લિટર ટર્બો પેટ્રોલ એન્જિન છે. આ એન્જિન 120 bhp પાવર અને 170 Nm ટોર્ક જનરેટ કરે છે, જે માત્ર 11.1 સેકન્ડમાં 0 થી 100 કિમીની ઝડપ પકડી શકે છે. આ સિવાય 1.2 લિટર નેચરલી એસ્પિરેટેડ પેટ્રોલ અને ડ્યુઅલ-સિલિન્ડર ટેકનોલોજી સાથે CNG વિકલ્પ પણ ઉપલબ્ધ છે.