ટોયોટા કંપની પોતાની નવી જનરેશન ફોર્ચ્યુનર (Fortuner) પર ઝડપથી કામ કરી રહી છે, જેની ટેસ્ટિંગ હાલમાં ચાલી રહી છે અને તે વર્ષ 2027ની શરૂઆતમાં ભારતમાં લોન્ચ થઈ શકે છે. તાજેતરમાં કંપનીએ દેશમાં પોતાની પ્રથમ ઈલેક્ટ્રિક SUV અર્બન ક્રૂઝર EV લોન્ચ કરી છે, જેની કિંમત 23.60 લાખ રૂપિયાથી શરૂ થાય છે. હવે કંપની ભારતીય બજાર માટે 7-સીટર હાઇરાઇડર અને નવી ફોર્ચ્યુનર જેવા મોડલ્સ પર ધ્યાન કેન્દ્રિત કરી રહી છે. નવી ફોર્ચ્યુનર પહેલા કરતાં વધુ આધુનિક અને લક્ઝુરિયસ ફીચર્સ સાથે બજારમાં ધમાકેદાર એન્ટ્રી કરવા માટે સંપૂર્ણ રીતે તૈયાર છે.
એડવાન્સ ઈન્ટિરિયર અને સેફ્ટી ફીચર્સ
નવી ફોર્ચ્યુનરના કેબિનને સંપૂર્ણપણે હાઇટેક બનાવવામાં આવશે. આ SUVમાં ટોયોટા હિલિક્સ (Hilux) પ્રેરિત ફુલ્લી ડિજિટલ ઇન્સ્ટ્રુમેન્ટ ક્લસ્ટર અને મોટી 12.3 ઇંચની ટચસ્ક્રીન ઇન્ફોટેનમેન્ટ સિસ્ટમ મળવાની સંભાવના છે. સૌથી મોટો ફેરફાર સેફ્ટીમાં જોવા મળશે, કારણ કે ટેસ્ટિંગ દરમિયાન આ કારમાં ADAS રડાર અને કેમેરા જોવામાં આવ્યા છે. આ સિવાય ગ્રાહકોની સુવિધા માટે 360 ડિગ્રી કેમેરા, વાયરલેસ ફોન ચાર્જર, કનેક્ટેડ કાર ટેક્નોલોજી, ઇલેક્ટ્રિક સનરૂફ અને ઓટોમેટિક ઓવર-ધ-એર (OTA) અપડેટ્સ જેવા શાનદાર ફીચર્સ પણ આ નવી જનરેશન SUVમાં સામેલ કરવામાં આવી શકે છે.