ભારતીય રસ્તાઓ પર અત્યારે એસયુવી કારનો ક્રેઝ ચરમસીમાએ છે, અને તેમાં પણ હુન્ડાઈ ક્રેટાએ ફરી એકવાર પોતાની લોકપ્રિયતા સાબિત કરી દીધી છે. નાણાકીય વર્ષ 2025-26 ના પ્રથમ 8 મહિનામાં (એપ્રિલથી નવેમ્બર સુધી), ક્રેટાએ વેચાણના મામલે ટાટા નેક્સનને મામૂલી અંતરથી પાછળ છોડીને પ્રથમ ક્રમ પ્રાપ્ત કર્યો છે.
ક્રેટાની સફળતાના આંકડા
હુન્ડાઈ ક્રેટાએ આ 8 મહિનાના ગાળામાં કુલ 1,35,070 યુનિટ્સનું વેચાણ કર્યું છે. હુન્ડાઈના કુલ પેસેન્જર વાહનોના વેચાણમાં ક્રેટાનો હિસ્સો 36% રહ્યો છે. ખાસ વાત એ છે કે જ્યારે ઘણી કંપનીઓ ડીઝલ એન્જિનથી દૂર જઈ રહી છે, ત્યારે હુન્ડાઈના ડીઝલ વેરિઅન્ટ પર ગ્રાહકોનો અતૂટ વિશ્વાસ કંપનીને મોટો ફાયદો કરાવી રહ્યો છે. સપ્ટેમ્બર મહિનો ક્રેટા માટે સર્વશ્રેષ્ઠ રહ્યો હતો, જેમાં તેણે 18,861 યુનિટ્સ વેચ્યા હતા.