ફ્રાન્સની જાણીતી ઓટોમોબાઈલ કંપની રેનોની Filante Record 2025 ડેમો કારે સિંગલ ચાર્જમાં 1,008 કિમીનું અંતર કાપીને નવો બેન્ચમાર્ક સ્થાપિત કર્યો છે. મોરોક્કોમાં થયેલા આ ટેસ્ટમાં કારે સરેરાશ 102 કિમી/કલાકની હાઈવે સ્પીડ જાળવી રાખી હતી, જે અન્ય EV ટેસ્ટ કરતા ઘણું અલગ છે. આ સમગ્ર સફર માત્ર 9 કલાક અને 52 મિનિટમાં પૂર્ણ કરવામાં આવી હતી.
ઓછી બેટરી પણ અદભૂત કાર્યક્ષમતા
આ સફળતાની સૌથી મોટી વિશેષતા એ છે કે તેમાં રેનોની સામાન્ય ઇલેક્ટ્રિક કારમાં વપરાતી 87 kWhની બેટરી જ લગાવાયેલી હતી. છતાં, આ કારે 100 કિમી દીઠ માત્ર 7.8 kWh ઉર્જા વાપરી હતી. નવાઈની વાત એ છે કે 1,000 કિમી ચાલ્યા બાદ પણ બેટરીમાં 11% ચાર્જ બાકી હતો, જેનાથી કાર હજુ પણ 120 કિમી ચાલી શકે તેમ હતી.
