ટાટા મોટર્સ ભારતીય ઇલેક્ટ્રિક વ્હીકલ (EV) માર્કેટમાં પોતાની પકડ વધુ મજબૂત કરવા માટે તૈયાર છે. કંપની તેની સૌથી લોકપ્રિય માઇક્રો SUV ટાટા પંચ EV ફેસલિફ્ટ (Tata Punch EV Facelift) ને આગામી 20 ફેબ્રુઆરી 2026 ના રોજ નવા અવતારમાં લોન્ચ કરી શકે છે. આ નવી કારમાં આકર્ષક ડિઝાઇન, અત્યાધુનિક ફીચર્સ અને લાંબી રેન્જ જોવા મળશે.
નવી ડિઝાઇન અને લૂક
નવી પંચ EV ફેસલિફ્ટની ડિઝાઇન તાજેતરમાં લોન્ચ થયેલી પંચ ICE (પેટ્રોલ) ફેસલિફ્ટથી પ્રેરિત હશે. એક્સટિરિયર: તેમાં કનેક્ટેડ LED DRLs, નવી ક્લોઝ્ડ-ઓફ ગ્રિલ અને આકર્ષક એલોય વ્હીલ્સ જોવા મળશે. બમ્પર્સ: આગળ અને પાછળના બમ્પર્સને રિડિઝાઇન કરવામાં આવ્યા છે, જે તેને વધુ પ્રીમિયમ લૂક આપે છે. સેફ્ટી: લોન્ગ રેન્જ વેરિઅન્ટમાં ચારેય વ્હીલ્સમાં ડિસ્ક બ્રેક્સ આપવાની શક્યતા છે.
પ્રીમિયમ ફીચર્સ અને સેફ્ટી અપગ્રેડ
કંપનીએ આ વખતે ફીચર્સ પર વિશેષ ધ્યાન આપ્યું છે. નવી પંચ EVમાં 12.3-ઇંચની મોટી ટચસ્ક્રીન, પેનોરોમિક સનરૂફ અને હર્મન કાર્ડન સાઉન્ડ સિસ્ટમ મળી શકે છે. સુરક્ષાની દ્રષ્ટિએ, તેમાં લેવલ-2 ADAS ફીચર્સ (જેમ કે ઓટોમેટિક ઇમરજન્સી બ્રેકિંગ), 360-ડિગ્રી કેમેરા અને 6 એરબેગ્સ જેવી સુવિધાઓ મળવાની સંભાવના છે.
બેટરી અને 500 KMની રેન્જ
સૌથી મોટો ફેરફાર તેની બેટરી પેકમાં જોવા મળી શકે છે. રિપોર્ટ્સ અનુસાર, ટાટા પંચ EVમાં હવે 40.5 kWh ની મોટી બેટરી મળી શકે છે, જે એકવાર ફૂલ ચાર્જ કરવા પર અંદાજે 500 કિલોમીટરની રેન્જ આપશે.
સંભવિત કિંમત
હાલમાં ટાટા પંચ EVની કિંમત રૂ.9.99 લાખથી રૂ.14.44 લાખ (એક્સ-શોરૂમ) છે. નવા ફીચર્સ અને મોટી બેટરીને કારણે ફેસલિફ્ટ મોડલની કિંમતમાં થોડો વધારો થઈ શકે છે. અનુમાન છે કે તેનું ટોપ વેરિઅન્ટ રૂ.15 લાખ સુધી જઈ શકે છે.
વધુ સમાચાર વાંચવા માટે ક્લિક કરો
