મહિન્દ્રા કંપની ખૂબ જ જલ્દી તેની ફ્લેગશિપ SUV XUV700નું ફેસલિફ્ટ વર્ઝન લોન્ચ કરવા જઈ રહી છે. કંપનીએ તેની આવનારી SUV XUV 7XOનું પહેલું ટીઝર જાહેર કર્યું છે. જે ખરેખર XUV700નું નવું ફેસલિફ્ટ મોડેલ છે. આ નવી કાર 5 જાન્યુઆરી 2026 ના રોજ લોન્ચ થશે. ટીઝરમાં નવા ડિઝાઇન અપડેટ્સનો ખુલાસો થયો છે, જે SUVના લૂકને વધુ આકર્ષક બનાવશે.
એક્સટીરિયર ડિઝાઇન અને સ્ટાઇલિંગ અપડેટ્સ
નવી XUV 7XO માં નોંધપાત્ર સ્ટાઇલિંગ અપડેટ્સ મળવાની અપેક્ષા છે, જોકે એન્જિનમાં કોઈ ફેરફાર નહીં થાય. SUVનો ફ્રન્ટ ભાગ ઘણે અંશે કંપનીની ઇલેક્ટ્રિક કોન્સેપ્ટ કાર XEV 9e જેવો હોઈ શકે છે. નવી ગ્રિલ, ટ્વીન-પોડ ડિઝાઇનમાં અપડેટેડ હેડલેમ્પ્સ, થોડો બદલાયેલો બમ્પર અને નવી LED DRLs મળશે.
સાઇડ અને રિયર ડિઝાઇન
સાઇડની ડિઝાઇન લગભગ પહેલા જેવી જ રહેશે, પરંતુ નવા, એરોડાયનેમિક એલોય વ્હીલ્સ મળી શકે છે. પાછળના ભાગમાં નવી ફુલ-વિડ્થ જોડાયેલી લાઇટ બાર અને બદલાયેલો રિયર બમ્પર આપવામાં આવી શકે છે. જોકે દરવાજા, ફેન્ડર અને બોનેટની મેટલ બોડી પહેલાની જેમ જ જાળવી રખાશે.
ઇન્ટિરિયર અને અપેક્ષિત ફીચર્સ
કંપનીએ હજી સુધી આંતરિક (ઇન્ટિરિયર) ફીચર્સની જાહેરાત કરી નથી, પરંતુ નવી XUV7XO માં XEV 9e જેવું ત્રણ સ્ક્રીનવાળું લેઆઉટ મળી શકે છે. કારમાં Harman Kardon પ્રીમિયમ સાઉન્ડ સિસ્ટમ, પાછળ બેઠેલા લોકો માટે BYOD (બ્રિંગ યોર ઓન ડિવાઇસ) ફીચર અને ઑટો-ડિમિંગ IRVM (ઇનસાઇડ રિયર વ્યુ મિરર) પણ મળી શકે છે. હાલના XUV700 ના મોટાભાગના ફીચર્સ નવા મોડેલમાં ચાલુ રહેશે.
એન્જિન ઓપ્શન
2026 માં લોન્ચ થનારી નવી XUV7XO ફેસલિફ્ટમાં એન્જિનના ઓપ્શન પહેલાના જ રહેશે, જે ઉત્તમ પર્ફોર્મન્સ માટે જાણીતા છે: 2.0 લિટર ટર્બો પેટ્રોલ એન્જિન, જે 200 bhp પાવર અને 380 Nm ટોર્ક જનરેટ કરે છે. 2.2 લિટર ટર્બો ડીઝલ એન્જિન, જે 155 bhp પાવર અને 360 Nm ટોર્ક આઉટપુટ આપે છે.
વધુ સમાચાર વાંચવા માટે ક્લિક કરો
