મેક્સી સ્કૂટર માટે જાણીતી કંપની યામાહાએ ભારતીય બજારમાં અધિકૃત રીતે ઇલેક્ટ્રિક ટુ-વ્હીલર સેગમેન્ટમાં એન્ટ્રી કરી છે. ઇન્ડિયા યામાહાએ તેનું પ્રથમ ઇલેક્ટ્રિક સ્કૂટર Yamaha EC-05 લોન્ચ કર્યું છે, જેની એક્સ-શોરૂમ કિંમત રૂ.1,67,600 રાખવામાં આવી છે. શરૂઆતના તબક્કે આ સ્કૂટર પસંદગીના શહેરોમાં યામાહાના બ્લુ સ્ક્વેર પ્રીમિયમ ડીલરશીપ પર ઉપલબ્ધ થશે અને હાલમાં તે માત્ર 'બ્લુઈશ વ્હાઇટ' રંગમાં જ ઉપલબ્ધ રહેશે.
પાવરફુલ બેટરી અને સ્પીડ
આ સ્કૂટરમાં 4kWh નો ફિક્સ્ડ બેટરી પેક આપવામાં આવ્યો છે, જે Interior Permanent Magnet Synchronous Motor (IPMSM) સાથે જોડાયેલું છે. કંપનીના દાવા મુજબ, આ સ્કૂટર સિંગલ ચાર્જમાં 169 કિમી (IDC રેન્જ) આપે છે. તે 6.7 kW પાવર અને 26 Nm ટોર્ક જનરેટ કરે છે, જેનાથી સ્કૂટર 79 કિમી/કલાકની ટોપ સ્પીડ પકડી શકે છે. સામાન્ય સોકેટથી તેને ફૂલ ચાર્જ થવામાં લગભગ 8 કલાકનો સમય લાગે છે. બેટરી પર 3 વર્ષ અથવા 30,000 કિમીની વોરંટી પણ આપવામાં આવી છે.
