સપ્ટેમ્બર 2025 ભારતના ઓટોમોબાઈલ ક્ષેત્ર માટે આશાસ્પદ મહિનો સાબિત થયો. GST 2.0 પછી તહેવારોની મોસમ પહેલા ડીલરશીપ પ્રવૃત્તિ અને વધતા છૂટક બજારે ઉદ્યોગમાં નવી એનર્જી ભરી દીધી છે. આ સમયગાળા દરમિયાન શહેરી ક્ષેત્રમાં મજબૂત માંગ અને ગ્રામીણ બજારમાં સુધારો જોવા મળ્યો છે. મહિનાના અંત સુધીમાં આ ક્ષેત્રે 3.12 લાખ પેસેન્જર વ્હીકલ્સ, 2.16 લાખથી વધુ ટુ-વ્હીલર અને 84,077 થ્રી-વ્હીલરનું વેચાણ કર્યું છે. કોમર્શિયલ વાહનોએ પણ સ્થિર કામગીરી જાળવી રાખી છે. એકંદરે સપ્ટેમ્બરમાં તહેવારોના ત્રિમાસિક ગાળાની શરૂઆત મજબૂત ગતિ અને સકારાત્મક વલણો સાથે થઈ છે.
પેસેન્જર વ્હીકલનું વેચાણ
પેસેન્જર વ્હીકલ સેગમેન્ટમાં 3,12,791 યુનિટનું વેચાણ નોંધાયું હતું. જે વાર્ષિક ધોરણે નજીવું ઘટ્યું હતું. પરંતુ ક્વાર્ટરની ધીમી શરૂઆત પછી વેગમાં પાછા ફરવાનો સંકેત આપે છે. સતત ત્રણ વર્ષથી બજારમાં પ્રભુત્વ ધરાવતી SUV અને UV શ્રેણીઓ 2,04,392 યુનિટ પર સ્થિર રહી છે. જે સ્થાનિક બજારમાં 0.9 ટકાનો થોડો ઘટાડો દર્શાવે છે. જે સૂચવે છે કે PV બજારમાં 56 ટકાથી વધુના ટોચના હિસ્સા પર પહોંચ્યા પછી તે કુદરતી સ્થિરતા તરફ આગળ વધી રહી છે.
નાની કારના વેચાણમાં ઉછાળો જોવા મળ્યો
સૌથી રસપ્રદ વાત એ છે કે GSTના ભાવમાં થયેલા સુધારાઓને કારણે આ મહિને નાની કારના વેચાણમાં વધારો જોવા મળ્યો છે. પેસેન્જર કારનું વેચાણ લગભગ 98,364 યુનિટ પર સ્થિર રહ્યું હતું. પરંતુ ડીલરોએ એન્ટ્રી-લેવલ મોડેલ્સ માટે પૂછપરછમાં સુધારો નોંધાવ્યો હતો. જે આ ઉદ્યોગે ઘણા મહિનામાં જોયું ન હતું.
વાનનું વેચાણ ઘટ્યું
નાની કારના વેચાણમાં ઉછાળા સાથે વાનનું વેચાણ ઘટ્યું હતું. જે 15.7%થી ઘટીને 10,035 યુનિટ થયું છે. કારણ કે ફ્લીટ ઓપરેટરોએ કોમ્પેક્ટ અને UV આધારિત લોકોએ વાહનોને પ્રાથમિકતા આપવાનું ચાલુ રાખ્યું હતું. હાલમાં ઉત્સવના વાતાવરણ અને GST ઘટાડા પછી લોકોની વધેલી ક્ષમતાને કારણે શોરૂમમાં નોંધપાત્ર વધારો જોવા મળે છે. જેમાં ઓટોમેકર્સ દિવાળી પહેલા ઇન્વેન્ટરીમાં વધારો કરી રહ્યા છે.
શહેરી માંગમાં વધારો થતાં સ્કૂટર્સ અગ્રણી
ટુ-વ્હીલર ઉત્પાદકો પાસે ખુશ થવાનું કારણ હતું કારણ કે તેમનું વેચાણ 6.7 %થી વધીને 21,60,889 યુનિટ થયું હતું. જે મુખ્યત્વે શહેરી અને અર્ધ-શહેરી સ્કૂટરની માંગને કારણે થયું હતું. સ્કૂટરનું વેચાણ 9.1 %થી વધીને 7,33,391 યુનિટ થયું હતું. જે શહેરી મુસાફરો અને પહેલી વાર ખરીદનારાઓમાં વધતી લોકપ્રિયતા દર્શાવે છે. ગ્રામીણ વિસ્તારોમાં સતત માંગને કારણે મોટરસાયકલનું વેચાણ 5.8 %થી વધીને 13,73,750 યુનિટ પર સ્થિર રહ્યું હતું. જોકે મોપેડ શ્રેણીમાં થોડો વધારો નોંધપાત્ર હતો. જે ઓછા વેચાણવાળા સેગમેન્ટ હોવા છતાં પાછલા મહિનાઓની સાથે તુલના કરતાં થોડો ઘટાડો જોવા મળ્યો હતો.
