જાવા અને યેઝદી જેવા બાઇકના નિર્માતા ક્લાસિક લિજેન્ડ્સે શનિવારે જણાવ્યું હતું કે તહેવારોની સિઝન દરમિયાન બુકિંગમાં નોંધપાત્ર વધારો જોવા મળ્યો છે. કંપની આ વધારા માટે નવા મોડેલોના લોન્ચિંગ, ગુડ્સ એન્ડ સર્વિસ ટેક્સ (GST) સંબંધિત ફાયદાઓ અને અન્ય પરિબળોને આભારી છે. કંપનીના સહ-સ્થાપક અનુપમ થરેજાએ શુક્રવારે જયપુરમાં એક મીટિંગમાં જણાવ્યું હતું કે રાજસ્થાનમાં કંપનીનું બુકિંગ ગયા વર્ષની સરખામણીમાં આ સિઝનમાં ત્રણ ગણું વધી ગયું છે.
GST 2.0થી બાઇકના વેચાણમાં વધારો થયો છે
તેમણે કહ્યું હતું કે રોડસ્ટર અને એડવેન્ચર બાઇકના નવા વર્ઝન રજૂ થવાથી 350 સીસીથી ઓછી ક્ષમતા ધરાવતી બાઇક પર GSTમાં ઘટાડા સાથે તહેવારોની મોસમ દરમિયાન આ વધારો થયો છે. તેમણે વધુમાં ઉમેર્યું હતું કે ગયા વર્ષે ફ્લિપકાર્ટ પર ક્લાસિક બાઇકનું જોરદાર વેચાણ જોયા પછી હવે એમેઝોન પર પણ ઉપલબ્ધ છે. થરેજાએ જણાવ્યું હતું કે કંપનીએ તાજેતરમાં નવું મોડેલ રોડસ્ટર લોન્ચ કર્યું છે. જે લાંબા અંતરની મુસાફરી માટે આધુનિક ક્લાસિક બાઇક તરીકે સ્થિત છે. જેમાં 50થી વધુ કસ્ટમાઇઝેશન વિકલ્પો છે. તેમણે ઉમેર્યું કે કંપની પાસે રાજસ્થાનના 11 શહેરોમાં 14 ડીલરશીપ છે. જે તેના રાષ્ટ્રીય રિટેલ નેટવર્કના લગભગ પાંચ ટકાનું પ્રતિનિધિત્વ કરે છે.
