કેયેન ટર્બો: માત્ર 2.5 સેકન્ડમાં 0 થી 100 km/h ની ઝડપ
નવી Cayenne Electric માં પોર્શની સુપરિયર 'e-performance' પાવરટ્રેન ટેક્નોલોજી આપવામાં આવી છે. તેના ટોપ-એન્ડ ટર્બો મોડેલમાં બંને એક્સલ પર પાવરફુલ ઇલેક્ટ્રિક મોટર્સ મળે છે, જે 1,156 hp નો મહત્તમ પાવર અને 1,150 Nm નો ટોર્ક જનરેટ કરે છે. આ દમદાર પાવરના કારણે આ SUV માત્ર 2.5 સેકન્ડમાં 0 થી 100 km/h ની ઝડપ પકડી લે છે. તેની ટોપ સ્પીડ 260 km/h ની છે અને તે સિંગલ ચાર્જમાં 623 km સુધીની રેન્જ આપે છે.
સ્ટાન્ડર્ડ વેરિઅન્ટનો પાવર અને પરફોર્મન્સ
કેયેન ઇલેક્ટ્રિકનું સ્ટાન્ડર્ડ વેરિઅન્ટ 408 hp નો પાવર આપે છે, જે 'લોન્ચ કંટ્રોલ' મોડ એક્ટિવેટ કરવાથી ઓવરબૂસ્ટ પાવર સાથે 442 hp સુધી પહોંચી જાય છે. આ મોડેલ 4.8 સેકન્ડમાં 0 થી 100 km/h ની રફતાર પકડી શકે છે અને તેની ટોપ સ્પીડ 230 km/h સુધી મર્યાદિત રખાઈ છે. બંને વેરિઅન્ટ્સમાં 'પોર્શ એક્ટિવ સસ્પેન્શન મેનેજમેન્ટ' (PASM) સાથે એડેપ્ટિવ એર સસ્પેન્શન સ્ટાન્ડર્ડ તરીકે આવે છે, જ્યારે શાર્પ હેન્ડલિંગ માટે રિયર-એક્સલ સ્ટીયરિંગનો પણ ઓપ્શન આપ્યો છે.
642 km સુધીની રેન્જ અને સુપરફાસ્ટ ચાર્જિંગ
આ SUV માં 113 kWh ની વિશાળ બેટરી પેક આપવામાં આવી છે. WLTP સર્ટિફિકેશન અનુસાર, સ્ટાન્ડર્ડ વેરિઅન્ટ સિંગલ ફુલ ચાર્જ પર 642 km સુધીની રેન્જ આપી શકે છે. આ કાર 390 kW સુધીના DC ફાસ્ટ ચાર્જિંગને સપોર્ટ કરે છે. યોગ્ય DC ફાસ્ટ ચાર્જરની મદદથી બેટરીને માત્ર 16 મિનિટમાં 10% થી 80% સુધી ચાર્જ કરી શકાય છે. વધુમાં, માત્ર 10 મિનિટના ચાર્જિંગમાં જ કાર 290 થી 324 km સુધી ચાલવાની ક્ષમતા મેળવી લે છે.
હોમ ચાર્જિંગ અને વાયરલેસ ઇન્ડક્ટિવ સિસ્ટમ
ઘર કે ઓફિસે AC ચાર્જિંગ માટે આ કારમાં 22 kW નો ઓનબોર્ડ ચાર્જર આપવામાં આવ્યો છે, જે વોલબોક્સ ચાર્જર દ્વારા લગભગ 5.75 કલાકમાં બેટરીને ફુલ ચાર્જ કરી દે છે. આ સિવાય, Cayenne Electric ભારતની પ્રથમ એવી પોર્શ કાર છે જેમાં ઓપ્શનલ 11 kW વાયરલેસ (ઇન્ડક્ટિવ) ચાર્જિંગ સિસ્ટમનો વિકલ્પ પણ ઉપલબ્ધ કરાવવામાં આવ્યો છે.
આકર્ષક અને બોલ્ડ એક્સ્ટીરીયર ડિઝાઇન
ડીઝાઇનની દ્રષ્ટિએ આ નવી ઇલેક્ટ્રિક SUV તેના આઇકોનિક કેયેન લુકને જાળવી રાખે છે, પરંતુ કેટલાક ઇલેક્ટ્રિક-સ્પેસિફિક ફેરફારો કરવામાં આવ્યા છે. તેના આગળના ભાગમાં બંધ ફ્રન્ટ ગ્રિલ, એક્ટિવ એરોડાયનેમિક વેન્ટ્સ અને પોર્શના સિગ્નેચર ફોર-પોઇન્ટ DRL સાથે Matrix LED હેડલાઇટ્સ આપવામાં આવી છે. આ કારની લંબાઈ 4,985 mm, પહોળાઈ 1,980 mm, ઊંચાઈ 1,674 mm અને વ્હીલબેઝ 3,023 mm છે, જે તેને પેટ્રોલ મોડેલ કરતાં થોડી વધુ લાંબી બનાવે છે.
વિશાળ બૂટ સ્પેસ અને વિશિષ્ટ ટોઇંગ કેપેસિટી
દૈનિક ઉપયોગ માટે પોર્શ Cayenne Electric ને અત્યંત પ્રેક્ટિકલ બનાવવામાં આવી છે. કારના આગળના ભાગમાં 90 લિટરનું 'Frunk' (ફ્રન્ટ ટ્રંક) અને પાછળના ભાગમાં 781 લિટરની વિશાળ બૂટ સ્પેસ મળે છે. રિયર પાવર્ડ સીટો ફોલ્ડ કરવાથી આ સ્ટોરેજ સ્પેસ વધીને 1,588 લિટર થઈ જાય છે. તે સામાન્ય રીતે 3,000 kg સુધીનું વજન ખેંચી શકે છે, જ્યારે ઓફરોડ પેકેજ સાથે તેની ટોઇંગ ક્ષમતા વધીને 3,500 kg સુધી પહોંચી જાય છે.
અદ્યતન ઇન્ટિરિયર અને હાઇ-ટેક ડિસ્પ્લે
ઇન્ટિરિયરની વાત કરીએ તો, ભારતમાં પહેલીવાર પોર્શ દ્વારા 14.5-ઇંચનું કવર્ડ (Curved) ઇન્ફોટેનમેન્ટ ટચસ્ક્રીન અને ફુલ્લી ડિજિટલ ઇન્સ્ટ્રુમેન્ટ ક્લસ્ટર આપવામાં આવ્યું છે. ગ્રાહકો ઇચ્છે તો 14.9-ઇંચની ફ્રન્ટ પેસેન્જર ડિસ્પ્લે અને ઓગમેન્ટેડ રિયાલિટી વિથ હેડ-અપ ડિસ્પ્લે (HUD) પણ પસંદ કરી શકે છે. તે સિવાય કારમાં 8-વે ઇલેક્ટ્રિક એડજસ્ટેબલ સીટ્સ (18-વે સુધારી શકાય તેવી), 4-ઝોન ક્લાઇમેટ કંટ્રોલ, પેનોરેમિક રૂફ અને 25W વાયરલેસ ચાર્જર મળે છે.
પાવરફુલ સેફ્ટી અને ડ્રાઇવર આસિસ્ટન્સ ફીચર્સ
સુરક્ષા માટે Cayenne Electric માં 2D સરાઉન્ડ વ્યૂ સાથે પાર્ક-આસિસ્ટ, લેન ચેન્જ આસિસ્ટ, ઇન્ટરસેક્શન આસિસ્ટ, વોર્ન એન્ડ બ્રેક આસિસ્ટ, અને સ્પીડ લિમિટ આસિસ્ટ જેવા આધુનિક સેફ્ટી ફીચર્સ આપવામાં આવ્યા છે. કારમાં Ultra-Wideband ટેક્નોલોજીવાળું Comfort Access સિસ્ટમ પણ ઉપલબ્ધ છે, જેનાથી ચાબી વગર કાર લોક-અનલોક થઈ શકે છે. આ સિવાય હેન્ડ્સ-ફ્રી ટેલગેટ ઓપનિંગ માટે ગેસ્ચર કંટ્રોલની સુવિધા પણ છે.
ભારતીય માર્કેટમાં તીવ્ર સ્પર્ધા
ભારતીય લક્ઝરી EV માર્કેટમાં Porsche Cayenne Electric નો સીધો મુકાબલો Audi Q8 e-tron, BMW iX અને Lotus Eletre જેવી પ્રીમિયમ ઇલેક્ટ્રિક SUV કારો સાથે થશે. પેટ્રોલ અને ઇલેક્ટ્રિક બંને પાવરટ્રેનના વિકલ્પ આપીને પોર્શ ભારતના લક્ઝરી કાર ખરીદદારો માટે એક શક્તિશાળી વિકલ્પ બનીને ઉભરી છે.
વધુ સમાચાર વાંચવા માટે ક્લિક કરો
