ઓટોમોબાઈલ માર્કેટમાં કિઆ (Kia) મોટર્સની લોકપ્રિય એસયુવી Seltos એ ફરી એકવાર ધૂમ મચાવી છે. જાન્યુઆરી 2026માં લોન્ચ થયેલી નવી નેક્સ્ટ જનરેશન કિઆ સેલ્ટોસ પર ગ્રાહકો જાણે તૂટી પડ્યા છે. લોન્ચિંગના પ્રથમ મહિને જ કંપનીએ 10,639 યુનિટ્સનું વેચાણ કર્યું છે, જેની સાથે જ આ કારના કુલ વેચાણનો આંકડો 6 લાખને પાર કરી ગયો છે.
ડીઝલ વેરિએન્ટની સૌથી વધુ ડિમાન્ડ
નવી સેલ્ટોસમાં પેટ્રોલ કરતાં ડીઝલ વેરિએન્ટની માંગ હાલમાં સૌથી વધુ જોવા મળી રહી છે. આ કારણે વેઇટિંગ પિરિયડમાં પણ વધારો થયો છે: ડીઝલ વેરિએન્ટ: આ મોડલ માટે ગ્રાહકોએ અંદાજે 8 અઠવાડિયા સુધી રાહ જોવી પડી શકે છે. પેટ્રોલ વેરિએન્ટ: ટર્બો અને નેચરલી એસ્પિરેટેડ પેટ્રોલ એન્જિન માટે વેઇટિંગ પિરિયડ 4 થી 5 અઠવાડિયા જેટલો છે. મનપસંદ કલર: ઇમ્પિરિયલ બ્લુ, પ્યુટર ઓલિવ અને મેગ્મા રેડ જેવા રંગોની પસંદગી કરનારા ગ્રાહકો માટે 8 અઠવાડિયાનું વેઇટિંગ છે, જ્યારે બ્લેક અને વ્હાઇટ કલર માટે 6 અઠવાડિયાનો સમય લાગી શકે છે.