ભારતના નાણાકીય સેવાઓ અને વીમા ક્ષેત્રમાં તેજી આવી છે, છેલ્લા બે દાયકામાં તેની માર્કેટ કેપમાં 50 ગણો વધારો થયો છે. એક રિપોર્ટ મુજબ આ ક્ષેત્રનું માર્કેટ કેપ 2005માં ₹1.8 ટ્રિલિયનથી વધીને 2025 સુધીમાં ₹91 ટ્રિલિયન થવાનો અંદાજ છે, જે 22%ના ચક્રવૃદ્ધિ વાર્ષિક દરે વધશે. BFSI ક્ષેત્ર હવે ભારતના GDPમાં 27% હિસ્સો ધરાવે છે, જે બે દાયકા પહેલા ફક્ત 6% હતો.

ક્રેડિટ ખર્ચ 1.3%થી ઘટીને 0.4% થયો

છેલ્લા દાયકામાં બેંક ક્રેડિટ 10.7%ના CAGRના દરે વધી છે, જ્યારે થાપણો 10.25%ના દરે વધી છે. બેંક બેલેન્સ શીટ ઝડપથી મજબૂત થઈ છે. કુલ NPA FY22માં 5.8% થી ઘટીને FY25 માં 2.2% થઈ ગઈ છે અને ક્રેડિટ ખર્ચ 1.3%થી ઘટીને 0.4% થયો છે. અભ્યાસમાં એ પણ પ્રકાશિત કરવામાં આવ્યું છે કે BFSI શેરોએ વ્યાપક બજાર કરતાં સતત શ્રેષ્ઠ પ્રદર્શન કર્યું છે. 2009માં GFC પછીની તેજીથી લઈને 2021માં કોવિડ પછીની તેજી સુધી નિફ્ટી ફાઈનાન્શિયલ સર્વિસીસ ઈન્ડેક્સ (NFS) એ દરેક રિકવરી ચક્રમાં નિફ્ટી 50ને પાછળ છોડી દીધું છે.

NFS એક વર્ષમાં 66% વધ્યો

2009માં વૈશ્વિક નાણાકીય કટોકટીમાંથી રિકવરી પછી NFS માત્ર 6 મહિનામાં 80% વધ્યો, જે નિફ્ટી 50 માટે 64% હતો. તેવી જ રીતે, 2014માં ચૂંટણી પરિણામો પછી, NFSએ 6 મહિનામાં 37% વળતર આપ્યું, જે નિફ્ટી 50 માટે 23% હતું. 2021માં કોવિડ પછીના રિબાઉન્ડે આ મજબૂતાઈને વધુ ઉજાગર કરી, જેમાં NFSએ એક વર્ષમાં 66% વધ્યો, જે નિફ્ટી 50 માટે 55% હતો. રિસર્ચ મુજબ 2024માં બજારની ટોચ પર પણ NFS વ્યાપક બજાર વળતર કરતાં વધુ સારી કામગીરી બજાવી શક્યું, જે 19%ની સરખામણીમાં 21% વધ્યું.

NPAs FY22માં 4.5%થી ઘટીને FY25માં 2.6% થયા

નોન-બેંકિંગ ફાઇનાન્શિયલ કંપનીઓ (NBFCs) સેગમેન્ટ એક મુખ્ય ધિરાણ એન્જિન તરીકે વિકસિત થયું છે, જેણે છેલ્લા 20 વર્ષમાં તેની નેટવર્થ 15%ના CAGR પર અને કર પછીનો નફો 31.7% ના CAGR પર વધાર્યો છે. NBFCs હવે કુલ BFSI આવકમાં 18% હિસ્સો ધરાવે છે, જે રિટેલ, MSME અને ગ્રામીણ ધિરાણમાં તેમના વધતા મહત્વને પ્રતિબિંબિત કરે છે. સંપત્તિની ગુણવત્તામાં પણ નોંધપાત્ર સુધારો થયો છે. કુલ NPAs FY22માં 4.5%થી ઘટીને FY25માં 2.6% થયા છે. અહેવાલમાં જણાવાયું છે કે NBFCs ખાસ કરીને અંડરસેવ્ડ ક્ષેત્રો માટે ક્રેડિટ એક્સેસ વધારવામાં મુખ્ય ભૂમિકા ભજવી રહી છે. અહેવાલમાં જણાવાયું છે કે ડિજિટલ ધિરાણ, વાહન ધિરાણ અને સહ-ધિરાણ ભાગીદારી જેવા માળખાકીય વૃદ્ધિ ડ્રાઈવરો ગતિ જાળવી રાખશે.