સરકારે કેન્દ્રીય બજેટ 2024માં શેર બાયબેક માટેના ટેક્સ નિયમોમાં ફેરફારની જાહેરાત કરી હતી. નવા નિયમમાં જણાવાયું છે કે જો કોઈ કંપની શેરધારકો પાસેથી તેના શેર પાછા ખરીદે છે તો તેને શેરધારકો માટે ડિવિડન્ડ આવક ગણવામાં આવશે. ટેક્સપેયર્સ પર તેમના સંબંધિત સ્લેબ દરો અનુસાર આ આવક પર ટેક્સ વસૂલવામાં આવશે. આ ફેરફાર બાદ શેર બાયબેકનું આકર્ષણ ઓછું થયું છે. રોકાણકારો આ નિયમ પર સરકાર પાસેથી રાહતની માગ કરી રહ્યા છે.
શેર બાયબેક પર ટેક્સના નિયમો શું છે?
પહેલાં, જ્યારે કોઈ લિસ્ટેડ કંપની તેના શેર પાછા ખરીદતી હતી, ત્યારે તેને વિતરિત આવક પર ટેક્સ ચૂકવવો પડતો હતો. અસરકારક દર 23.29 ટકા હતો. આમાં 20 ટકા ટેક્સ, 12 ટકા સરચાર્જ અને 4 ટકા આરોગ્ય અને શિક્ષણ ઉપકરનો સમાવેશ થતો હતો. આ ટેક્સ કંપની દ્વારા બાયબેક માટે ચૂકવવામાં આવેલી રકમ અને શેર જાહેર કરવાથી મળેલી રકમ વચ્ચેના તફાવત પર વસૂલવામાં આવતો હતો. કેન્દ્રીય બજેટ 2024માં નિયમમાં ફેરફાર બાદ બાયબેક ઓફરમાં ભાગ લેનારા રોકાણકારોએ કંપની પાસેથી મેળવેલી સંપૂર્ણ રકમ પર ટેક્સ ચૂકવવો જરૂરી છે.
માર્કેટમાં શેર વેચે છે તો તેમના પર નફા પર લાંબા ગાળાના મૂડી લાભ ટેક્સ લાગુ પડશે. અસરકારક દર 14.95% છે (સરચાર્જ અને સેસ સહિત). આનો અર્થ એ થયો કે ટેક્સ નિયમોને કારણે રોકાણકારો માટે કંપનીના શેર બાયબેક ઓફરમાં શેર વેચવા કરતાં ખુલ્લા બજારમાં શેર વેચવા વધુ ફાયદાકારક હોઈ શકે છે. નિષ્ણાતો કહે છે કે ટેક્સ નિયમોમાં ફેરફાર પછી શેર બાયબેકનું આકર્ષણ ઘટ્યું છે.
રોકાણકારો કર નિયમોમાં ફેરફાર ઈચ્છે છે
જો સરકાર શેર બાયબેક પરના ટેક્સ નિયમોમાં ફેરફાર કરે છે તો તે રોકાણકારોના રસને પુનર્જીવિત કરી શકે છે. રોકાણકારો સરકાર પાસેથી ટેક્સ નિયમોમાં ફેરફારની માગ કરી રહ્યા છે. નાણામંત્રી નિર્મલા સીતારમણ 1 ફેબ્રુઆરીએ કેન્દ્રીય બજેટ રજૂ કરશે. તેઓ શેર બાયબેક નિયમો પર રોકાણકારોને રાહત આપી શકે છે.
આ પણ વાંચો: Auto News: Indiaમાં નાની કારો થઈ શકે છે સસ્તી; CAFE 3 ઉત્સર્જન નિયમોને લઈને કંપનીઓ વચ્ચે જંગ
ડિસ્કલેમર- આ માહિતી માત્ર તમારી જાણકારી માટે છે. શેરબજારમાં કે અન્ય કોઈ જગ્યા પર રોકાણ કરતા પહેલા તમારા ફાયનાન્શિયલ એડવાઈઝરની સલાહ અવશ્ય લેવી.
