ઇઝરાયલ અને ઈરાન વચ્ચેનો તણાવ હવે ડિજિટલ યુદ્ધભૂમિ પર આર્થિક વિનાશ વેરી રહ્યો છે. ઇઝરાયલી હેકિંગ ગ્રુપ 'પ્રિડેટરી સ્પેરો' એ ઈરાનના સૌથી મોટા ક્રિપ્ટો એક્સચેન્જ નોબિટેક્સમાંથી $90 મિલિયન (લગભગ રૂ. 800 કરોડ) ની ક્રિપ્ટોકરન્સી ચોરી કરવાનો દાવો કર્યો છે.ચોરાયેલા ભંડોળને રોકડ કરવાને બદલે હેકર્સે તેનો નાશ કર્યો, જેને ક્રિપ્ટો વિશ્વમાં 'બર્નિંગ' કહેવામાં આવે છે. તેમનો ઉદ્દેશ્ય આર્થિક લાભ નહીં પણ રાજકીય સંદેશ આપવાનો હતો.

ઈરાનમાં સાયબર હુમલો 

ફોર્ચ્યુનના અહેવાલ મુજબ, આ સાયબર હુમલો ત્યારે થયો જ્યારે બંને દેશો વચ્ચે તણાવ ચરમસીમાએ છે. હેકર્સે સોશિયલ મીડિયા પ્લેટફોર્મ X પર દાવો કર્યો હતો કે Nobitex આતંકવાદને ભંડોળ પૂરું પાડવા અને આંતરરાષ્ટ્રીય પ્રતિબંધોનું ઉલ્લંઘન કરવા માટે એક મુખ્ય સાધન બની ગયું છે. જવાબમાં, Nobitex એ તેના X એકાઉન્ટ પર જણાવ્યું હતું કે તેની મોટાભાગની ક્રિપ્ટોકરન્સી કોલ્ડ વોલેટમાં સુરક્ષિત છે અને હુમલાથી પ્રભાવિત થઈ નથી.

બધા ભંડોળ નાશ પામ્યા, કંઈ બચ્યું નહીં

ક્રિપ્ટો એનાલિટિક્સ ફર્મ એલિપ્ટિકના જણાવ્યા અનુસાર, પ્રિડેટરી સ્પેરોએ બિટકોઇન, ડોગેકોઇન અને 100 થી વધુ અન્ય ક્રિપ્ટોકરન્સી ચોરી લીધી હતી પરંતુ તેનો નાશ કર્યો હતો. હેકર્સે ચોરાયેલા ભંડોળને બ્લોકચેન સરનામાં પર મોકલ્યા હતા જેમાં 'F-iRGCTterrorists' જેવા શબ્દો હતા. IRGC અથવા ઇસ્લામિક રિવોલ્યુશનરી ગાર્ડ કોર્પ્સ ઈરાની સૈન્યની એક શાખા છે. આ પગલું સ્પષ્ટપણે પ્રતીકાત્મક હતું.