નાબાર્ડ સરવે મુજબ, 74% ગ્રામીણ પરિવારો 2025 સુધીમાં આવકમાં વધારો થવાની અપેક્ષા રાખે છે, જે આર્થિક સુધારણા અને ગામડાઓમાં વપરાશની માંગમાં વધારો દર્શાવે છે.

નેશનલ બેંક ફોર એગ્રિકલ્ચર એન્ડ રૂરલ ડેવલપમેન્ટ (નાબાર્ડ) દ્વારા હાથ ધરવામાં આવેલા સરવે મુજબ, લગભગ 74 ટકા ગ્રામીણ પરિવારો મે 2025 સુધીમાં તેમની આવકમાં વધારો થવાની અપેક્ષા રાખે છે, જ્યારે 72 ટકા લોકો માર્ચ 2024 માં એવું માનતા હતા. સપ્ટેમ્બર 2024 માં નાબાર્ડના દ્વિ-માસિક ગ્રામીણ આર્થિક પરિસ્થિતિ અને ભાવના સરવે (ઇઈઝ્રજીજી) શરૂ થયા પછી આગામી વર્ષમાં તેમની આવકમાં વધારો થવાની અપેક્ષા રાખતા લોકોની આ સૌથી વધુ ટકાવારી છે. નાબાર્ડે 600 ગામડાઓમાં 6,000 પરિવારો (દરેક ગામમાંથી 10 પરિવારોને નમૂના તરીકે લેવામાં આવ્યા છે) ને આવરી લેતા આ સરવે હાથ ધર્યો છે. સર્વેક્ષણમાં દર્શાવવામાં આવ્યું છે કે, ગ્રામીણ ભારતમાં તેમની આવકમાં વધારો થવાની અપેક્ષા રાખનારા લોકોની સંખ્યામાં વધારો થયો છે, પરંતુ તેમની આવકમાં ઘટાડો થવાની અપેક્ષા રાખનારા લોકોની સંખ્યામાં પણ સપ્ટેમ્બર 2024 માં 7.3 ટકાથી ઘટાડો થઈને 6.7 ટકા થયો છે. નવેમ્બર 2024માં તે વધીને 7.8 ટકા થયો હતો. ગ્રામીણ ભારતમાં આવક અંગેનો વધતો આશાવાદ છેલ્લા કેટલાક મહિનામાં ગ્રામીણ ક્ષેત્રમાં એકંદર હકારાત્મક ભાવના સાથે મેળ ખાય છે. વર્ષ 2025માં 'સામાન્યથી ઉપર' દક્ષિણ

પિૃમ ચોમાસાની આગાહી કૃષિ વિકાસને વેગ આપશે અને ગ્રામીણ ભારતમાં વપરાશ માંગમાં વધારો કરશે. જેનાથી ગ્રામીણ ક્ષેત્રમાં સકારાત્મક પરિવર્તન આવ્યું છે.

દરમિયાન, નાબાર્ડના અહેવાલમાં એ પણ દર્શાવવામાં આવ્યું છે કે, મે મહિનામાં આવક પર નજીકના ગાળાની ભાવના (આગામી ક્વાર્ટર એટલે કે જુલાઈથી સપ્ટેમ્બર)માં પણ થોડો સુધારો થયો છે. જેમાં 53.8 ટકા લોકોએ સારી આવકની અપેક્ષા રાખી હતી, જ્યારે 52.5 ટકા લોકોએ માર્ચ 2025માં આવું કહ્યું હતું. આગામી ક્વાર્ટર માટે રોજગારનું દૃશ્ય પણ સમાન છે. નાબાર્ડ સરવે દર્શાવે છે કે 53.5 ટકા પરિવારો મે 2025માં રોજગારની સ્થિતિમાં સુધારો થવાની અપેક્ષા રાખે છે, જે સપ્ટેમ્બર 2024 પછી સૌથી વધુ છે. તે જ સમયે, ફ્ક્ત 8 ટકા પરિવારોએ ઘટાડાની આગાહી કરી હતી.