2024-25માં કેન્દ્ર સરકારે રેકોર્ડબ્રેક GST કલેક્શન મેળવ્યું, 5 વર્ષ જુનો રેકોર્ડ તોડ્યો

જ્યારે GST દેશમાં લાગુ કરવામાં આવ્યો છે, ત્યારબાદ સરકારના ખજાનામાં સતત વધારો જોવા મળી રહ્યો છે, હવે સરકારે GST કલેક્શન દ્વારા રેકોર્ડ બનાવી દીધો છે. નાણાકીય વર્ષ 2024-25માં સરકારે રેકોર્ડબ્રેક GST કલેક્શન કર્યુ છે. ખાસ વાત તો એ છે કે સરકારનું આ કલેક્શન છેલ્લા 5 વર્ષમાં બે ઘણું થઈ ગયું છે. જાણકારોના મત મુજબ GST કલેક્શનમાં આગામી વર્ષોમાં મોટો વધારો જોવા મળી શકે છે.

કેટલું થયું GST કલેક્શન?

ગ્રોસ GST કલેક્શન 5 વર્ષમાં બે ઘણું થઈને નાણાકીય વર્ષ 2024-25માં 22.08 લાખ કરોડ રૂપિયાના લાઈફટાઈમ હાઈ પર પહોંચી ગયો છે, જે નાણાકીય વર્ષ 2020-21માં 11.37 લાખ કરોડ રૂપિયા હતું. ગ્રોસ GST કલેક્શન નાણાકીય વર્ષ 2024-25માં 22.08 લાખ કરોડ રૂપિયાના પર પહોંચી ગયું છે. જે ગયા નાણાકીય વર્ષની તુલનામાં 9.4 ટકા વધારે છે. ખાસ વાત તો એ છે કે છેલ્લા 5 વર્ષમાં વાર્ષિક આધાર પર આ કલેક્શન લગભગ બે ઘણું થઈ ચૂક્યું છે. નાણાકીય વર્ષ 2024-25માં એવરેજ માસિક કલેક્શન 1.84 લાખ કરોડ રૂપિયા રહ્યું, જે 2023-24માં 1.68 લાખ કરોડ રૂપિયા અને 2021-22માં 1.51 લાખ કરોડ રૂપિયા હતું. જાણકારોના મતે આગામી વર્ષોમાં આ માસિક એવરેજ કલેક્શન 2 લાખ કરોડ રૂપિયાની આસપાસ પહોંચી શકે છે.

કેટલી થઈ ટેક્સપેયર્સની સંખ્યા?

GST હેઠળ રજિસ્ટર્ડ કરદાતાઓની સંખ્યા 2017માં 65 લાખ કરોડ હતી, જે વધીને 8 વર્ષમાં 1.51 થઈ ગઈ છે. GSTના 8 વર્ષો થવા પર એક સરકારી નિવેદનમાં કહેવામાં આવ્યું કે તેને લાગુ થયા બાદ GSTએ રેવેન્યુ કલેક્શન અને ટેક્સ બેસ વધારવામાં મજબૂત વધારો બતાવ્યો છે. GSTએ 2024-25માં 22.08 લાખ કરોડ રૂપિયાનું કલેક્શન કર્યુ છે, જે વાર્ષિક આધારે 9.4 ટકાની વૃદ્ધિ છે.