ભારતના સેટેલાઇટ ઇન્ટરનેટ ક્ષેત્રે પ્રવેશવા માટે ટેસ્લા અને સ્પેસએક્સના વડા એલોન મસ્ક તેમજ રિલાયન્સ ઇન્ડસ્ટ્રીઝના ચેરમેન મુકેશ અંબાણી વચ્ચેનો વિવાદ વધુ તીવ્ર બન્યો છે. એલોન મસ્કે સોશિયલ મીડિયા પર મુકેશ અંબાણીના સમર્થકો પર બેવડું વલણ અપનાવવાનો આરોપ લગાવતા તીખો હુમલો કર્યો છે. મસ્કે દલીલ કરી છે કે જો સ્ટારલિંકની સેવાઓ ભારતમાં ખૂબ મોંઘી હોય, તો ભારતીય ગ્રાહકો તેને પસંદ નહીં કરે, જેથી સ્થાનિક કંપનીઓએ ડરવાની જરૂર નથી.
મસ્કનો તર્ક અને વિરોધ પર સવાલ
સોશિયલ મીડિયા પ્લેટફોર્મ 'X' પર પોસ્ટ કરતા મસ્કે અંબાણીના સમર્થકોના દાવો સામે સવાલ ઉઠાવ્યો હતો. તેમણે જણાવ્યું કે એક તરફ એવું કહેવામાં આવે છે કે ભારતમાં અંબાણીની કંપનીઓ અત્યંત સસ્તા દરે ઇન્ટરનેટ પૂરું પાડે છે અને સ્ટારલિંક તેમની સામે ટકી શકશે નહીં; તો બીજી તરફ તે જ લોકો સ્ટારલિંકને પોતાની સૌથી મોટી હરીફ ગણાવીને તેના પ્રવેશનો વિરોધ કરી રહ્યા છે. મસ્કના મતે, મુક્ત સ્પર્ધાથી હંમેશા સામાન્ય ગ્રાહકોને ફાયદો થાય છે કારણ કે તેમને વધુ વિકલ્પો મળે છે. તેમણે ઉમેર્યું કે સ્ટારલિંકના આવવાથી અંબાણીના નફામાં કદાચ થોડો ઘટાડો થઈ શકે છે, પરંતુ તેમનો વ્યવસાય બંધ થઈ જશે નહીં.
https://x.com/elonmusk/status/2108994867582095465?ref_src=twsrc%5Etfw%7Ctwcamp%5Etweetembed%7Ctwterm%5E2108994867582095465%7Ctwgr%5E%7Ctwcon%5Es1_c10&ref_url=