અદાણી ગ્રુપના ચેરમેન ગૌતમ અદાણીએ પોતાના શેરધારકોને એક સંદેશ મોકલ્યો છે. તેમણે લખ્યું છે કે, 24 જાન્યુઆરી, 2023ની સવાર એવી હતી જે ક્યારેય ભૂલી શકાશે નહીં. તે દિવસના સમાચાર ફક્ત દલાલ સ્ટ્રીટ સુધી મર્યાદિત નહોતા. તેણે સમગ્ર દેશ અને દુનિયાને પણ હચમચાવી નાખ્યા હતા. હિંડનબર્ગ રિપોર્ટ માત્ર અદાણી ગ્રુપ પર પ્રશ્નાર્થ ચિહ્ન નહોતો, પરંતુ વૈશ્વિક સ્તરે ભારતીય કંપનીઓના મોટા સપના જોવાની હિંમત પર પણ ફટકો હતો."
અમારા માટે આ સમયગાળો એક એવી કસોટી હતી જેમાં અમારા શાસનથી લઈને અમારા ધ્યેયો સુધી અને ભારતીય કંપનીઓ ખરેખર વિશ્વનું નેતૃત્વ કરી શકે છે કે કેમ તે અંગેના અમારા વિશ્વાસની પણ દરેક સ્તરે અમારી શક્તિની કસોટી થઈ. પરંતુ ગયા અઠવાડિયે, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) એ સ્પષ્ટ અને અંતિમ ચુકાદો આપ્યો કે અમારા પરના આરોપો પાયાવિહોણા ગણાવ્યા છે. ગૌતમ અદાણીએ કહ્યું, "આ ફક્ત નિયમનકારી મંજૂરી નથી, પરંતુ એ હકીકતનો પુરાવો છે કે તમારી કંપની હંમેશા પારદર્શિતા, શાસન અને સ્પષ્ટ લક્ષ્યો સાથે કાર્યરત છે. અમારી સાચી તાકાત શબ્દોમાં નથી, પરંતુ અમે જે પ્રદર્શન દર્શાવ્યું છે તેમાં રહેલી છે."
