ફેબ્રુઆરી 2026ના પ્રથમ અઠવાડિયામાં સોના-ચાંદીની કિંમતો ક્રેશ થઈ છે અને તેને લઈને રોકાણકારોને મોટું નુકસાન થયું છે. આ બંને ધાતુઓની કિંમત રેકોર્ડ હાઈથી ખુબ જ નીચે આવી ગઈ છે. ત્યારે બીજી તરફ શેરબજારના રોકાણકારો માટે ગયા અઠવાડિયાના 5 દિવસ સારા રહ્યા છે અને રોકાણકારોએ 4.55 લાખ કરોડ રૂપિયાની કમાણી કરી છે. જેમાં સૌથી વધુ કમાણી કરવામાં સૌથી આગળ મુકેશ અંબાણીની રિલાયન્સ ઈન્ડસ્ટ્રીઝ રહી છે.
સેન્સેક્સમાં 3.53 ટકાનો વધારો
શેરબજારમાં રોકાણ કરતા લોકો માટે ગયું અઠવાડિયું ફાયદાકારક રહ્યું છે. સેન્સેક્સ ઈન્ડેક્સ 2857.46 પોઈન્ટ અને 3.53 ટકાના વધારા સાથે બંધ થયો. જેમાં 4.55 લાખ કરોડ રૂપિયાનો ફાયદો થયો છે. કમાણી કરનારી કંપનીઓમાં RIL, HDFC બેન્ક, ભારતી એરટેલ, આઈસીઆઈસીઆઈ બેન્ક, એસબીઆઈ, બજાજ ફાયનાન્સ, એલઆઈસી અને એચયુએલનું નામ સામેલ છે.