સોના ચાંદીના ભાવમાં રોજબરોજ ફેરફાર જોવા મળે છે. ક્યારેક ભાવ વધે છે તો ક્યારેક ઘટે છે. સોના ચાંદી એ એક એવી વસ્તુ છે જેનો ઉપયોગ હવે તો રોકાણ કરવા માટે પણ કરવામાં આવે છે. ભારતમાં તો માંગલિક પ્રસંગોમાં સોનુ અનિવાર્ય છે. તેવામાં હવે 22 જૂને સોના ચાંદીના ભાવમાં શું ફેરફાર આવ્યો તે જાણવુ જરૂરી છે.
22 જૂને સોના ચાંદીનો ભાવ
ગયા સપ્તાહના ઘટાડા પછી આજે 22 જૂને સોના અને ચાંદીના ભાવમાં થોડી રિકવરી જોવા મળી રહી છે. ગુડરિટર્ન્સ અનુસાર 24 કેરેટ સોનાનો ભાવ આજે ₹43 વધીને ₹14,651 પ્રતિ ગ્રામ થયો છે, જ્યારે 22 કેરેટ સોનાનો ભાવ ₹40 વધીને ₹13,430 પ્રતિ ગ્રામ થયો છે. જોકે આજે ચાંદીના ભાવમાં કોઈ ફેરફાર થયો નથી. ભાવ ₹250 પ્રતિ ગ્રામ પર યથાવત છે, જ્યારે સ્થાનિક બજારમાં 1 કિલોગ્રામ ચાંદીનો ભાવ ₹2,50,000 છે.
ફ્યુચર્સ માર્કેટમાં પણ ભાવમાં વધારો
આજે ઓગસ્ટ ડિલિવરી માટેનું સોનું MCX (મલ્ટિ-કોમોડિટી એક્સચેન્જ) પર ₹1,48,040 પ્રતિ 10 ગ્રામ પર મજબૂત ટ્રેડિંગ કરી રહ્યું છે. દરમિયાન, જુલાઈ ડિલિવરી માટે MCX ચાંદી ₹2,36,490 પ્રતિ કિલોગ્રામ પર ટ્રેડિંગ કરી રહી છે, જે લગભગ 1.13% નો વધારો દર્શાવે છે.
ગયા અઠવાડિયે ભાવમાં કેટલો ઘટાડો થયો?
ગયા અઠવાડિયે, દેશના છૂટક બજારોમાં 24 કેરેટ સોનાના ભાવમાં પ્રતિ 10 ગ્રામ ₹5,228નો ઘટાડો થયો હતો. તેવી જ રીતે 19 જૂનના રોજ અઠવાડિયાના છેલ્લા ટ્રેડિંગ સત્ર દરમિયાન મલ્ટી-કોમોડિટી એક્સચેન્જ (MCX) પર સોનાના ભાવમાં પ્રતિ 10 ગ્રામ ₹2,750નો ઘટાડો થયો હતો.
આ સમયગાળા દરમિયાન ચાંદીના ભાવમાં પણ નોંધપાત્ર ઘટાડો જોવા મળ્યો હતો, જે ₹10,609 થી ₹12,000 પ્રતિ કિલોગ્રામ હતો. સોના અને ચાંદીના ભાવમાં આ ઘટાડો યુએસ ફેડરલ રિઝર્વના સંકેતોને કારણે થયો હતો જે દર્શાવે છે કે વ્યાજ દરોમાં ટૂંક સમયમાં ઘટાડો કરવામાં આવશે નહીં. જ્યારે વ્યાજ દર ઊંચા રહે છે ત્યારે રોકાણકારો સોનામાંથી પૈસા ઉપાડવાનું અને બેંકો અથવા સરકારી બોન્ડમાં રોકાણ કરવાનું વલણ ધરાવે છે, કારણ કે આ જોખમ-મુક્ત વ્યાજ કમાણી આપે છે.
તો આજે ભાવ કેમ વધ્યા?
ગયા અઠવાડિયે થયેલા તીવ્ર ઘટાડા બાદ, સોનાએ રેકોર્ડ નીચા સ્તરે પહોંચી ગયું હતું. ભવિષ્યના નફાની અપેક્ષા રાખીને, રોકાણકારોએ આ નીચા ભાવ સ્તરો પર ધાતુ ખરીદવાનું શરૂ કર્યું. બજારમાં તેની માંગ વધતાં, સ્વાભાવિક રીતે જ ભાવ ફરી વધવા લાગ્યા.
મોટા શહેરોમાં આજનો સોનાનો ભાવ (ગુડ રિટર્ન્સ અનુસાર)
| શહેર | 24 કેરેટ સોનાની કિંમત ( રૂપિયા/10 ગ્રામ) | 22 કેરેટ સોનાની કિંમત( રૂપિયા/10 ગ્રામ) |
| દિલ્હી | 1,46,660 | 1,34,050 |
| મુંબઈ | 1,46,510 | 1,34,300 |
| કોલકાતા | 1,46,510 | 1,34,300 |
ચેન્નઈ
| 1,48,037 | 1,36,000 |
| અમદાવાદ | 1,46,560 | 1,34,350 |
| વડોદરા | 1,46,560 | 1,34,350 |
| રાજકોટ | 1,46,560 | 1,34,350 |
આ પણ વાંચો-પાણીપુરીમાં બટાકા ચણા જ કેમ ભરવામાં આવે છે?
