મલ્ટી-કોમોડિટી માર્કેટ (MCX) પર આજે સોના અને ચાંદીના ભાવમાં નોંધપાત્ર ઘટાડો જોવા મળ્યો. સોનાના ભાવ ₹800 થી વધુ ઘટ્યા હતા, જ્યારે ચાંદીના ભાવ ₹1,400 થી વધુ ઘટ્યા હતા. આ ઘટાડો વૈશ્વિક શેરબજાર પર દબાણ વચ્ચે આવ્યો છે.
MCX પર આજે સોનું ₹800 ઘટીને ₹129,101 પર ટ્રેડ થઈ રહ્યું છે, જ્યારે ચાંદી ₹1,400 ઘટીને ₹180,100 પ્રતિ કિલોગ્રામ પર પહોંચી ગયું છે. આ આજનું સૌથી નીચું સ્તર છે.
બુલિયન માર્કેટમાં સોના અને ચાંદીના ભાવ
ભારતીય બુલિયન માર્કેટ (IBJA) અનુસાર 24 કેરેટ સોનાનો ભાવ ₹800 ઘટીને ₹127,409 પર પહોંચી ગયો છે. 23 કેરેટ સોનાનો ભાવ ₹800 ઘટીને ₹126,899 પ્રતિ 10 ગ્રામ પર પહોંચી ગયો છે. તેવી જ રીતે 22 કેરેટ સોનાનો ભાવ ₹116,707 પ્રતિ 10 ગ્રામ છે. 18 કેરેટ સોનાનો ભાવ 10 ગ્રામ દીઠ ₹95557 છે. ચાંદીનો ભાવ આજે 2000 રૂપિયા ઘટીને હવે ₹177054 પ્રતિ કિલોગ્રામ થયો છે.
મેટ્રો શહેરોમાં સોનાનો ભાવ (ગુડ રિટર્ન અનુસાર )
| શહેર | 24 કેરેટ પ્રતિ 10ગ્રામ | 22 કેરેટ પ્રતિ 10 ગ્રામ |
| અમદાવાદ | 1,30,140 | 1,19,300 |
| ચેન્નાઇ | 1,30,910 | 1,20,000 |
| સુરત | 1,30,140 | 1,19,300 |
| મુંબઇ | 1,30,480 | 1,19,600 |
| દિલ્હી | 1,30,240 | 1,19,400 |
| કોલકાતા | 1,30,090 | 1,19,250 |
| વડોદરા | 1,30,140 | 1,19,300 |
સોનું અને ચાંદી તેમના રેકોર્ડ ઊંચા સ્તરથી કેટલું ઘટી ગયું છે?
MCX મુજબ થોડા દિવસ પહેલા જ સોના અને ચાંદીના ભાવ રેકોર્ડ ઊંચા સ્તરને સ્પર્શ્યા હતા. સોનાનો રેકોર્ડ ઊંચા સ્તર ₹134024 પ્રતિ 10 ગ્રામ હતો અને વર્તમાન ભાવ ₹129100 પ્રતિ 10 ગ્રામ છે. પરિણામે સોનાનો ભાવ 10 ગ્રામ દીઠ ₹4900 ઓછો થયો છે.
ચાંદી જે થોડા દિવસ પહેલા ₹185234 પ્રતિ કિલોગ્રામના રેકોર્ડ ઊંચા સ્તર પર હતી તે હવે ઘટીને ₹180100 પ્રતિ કિલોગ્રામ થઈ ગઈ છે. આ સંદર્ભમાં ચાંદી તેના રેકોર્ડ ઊંચા સ્તરથી ₹5200 ઘટી ગઈ છે.
વધુ વાંચો-Stock Market Opening: ટ્રમ્પના ટેરિફ સંકેતથી શેરબજાર ધડામ, સેન્સેક્સ 589 પોઇન્ટ તૂટ્યો