છેલ્લા કેટલાક દિવસોમાં સતત વધારા બાદ સોનાના ભાવમાં ઘટાડો જોવા મળ્યો છે. 25 ઓક્ટોબરના રોજ દેશભરના બુલિયન બજારોમાં સોના અને ચાંદી બંનેના ભાવમાં ઘટાડો થયો હતો. રાજધાની દિલ્હીમાં 24 કેરેટ સોનાના ભાવ ઘટીને ₹1,24,510 પ્રતિ 10 ગ્રામ થયા હતા, જ્યારે 22 કેરેટ સોનાના ભાવ ₹1,14,140 પ્રતિ 10 ગ્રામના ભાવે વેચાઈ રહ્યા હતા. દેશના અન્ય મુખ્ય શહેરોમાં પણ આવી જ ઘટાડો જોવા મળી રહ્યો છે.

સોનાના ભાવ કેમ ઘટી રહ્યા છે?

બજાર નિષ્ણાંતો કહે છે કે આંતરરાષ્ટ્રીય ડોલરના મજબૂત થવા અને વૈશ્વિક વેપાર તણાવમાં ઘટાડો થવાથી સોનાના ભાવ પર અસર પડી છે. રોકાણકારો હવે નફો બુક કરી રહ્યા છે, જેના કારણે ભાવ દબાણ હેઠળ રહ્યા છે. વધુમાં ભારત અને યુનાઇટેડ સ્ટેટ્સ વચ્ચે સંભવિત વેપાર કરારની આશાએ પણ સોનાના બજારને થોડું ઠંડુ પાડ્યું છે.

આજે શું છે મોટા શહેરોમાં સોનાનો ભાવ (ગુડ રિટર્ન અનુસાર )


શહેર 24 કેરેટ પ્રતિ 10ગ્રામ 22 કેરેટ પ્રતિ 10 ગ્રામ
અમદાવાદ ₹1,25,670 ₹115,150
વડોદરા ₹1,25,670 ₹115,150
ચેન્નાઇ ₹125,450 ₹115,000
મુંબઇ ₹125,620 ₹115,150
દિલ્હી ₹125,561 ₹115,150
કોલકાતા ₹125,770 ₹115,300
બેંગ્લોર ₹125,620 ₹115,150

ચાંદીના ભાવમાં પણ ઘટાડો થયો

સોનાની સાથે ચાંદીના ભાવમાં પણ ઘટાડો થયો છે. દેશભરમાં ચાંદીના ભાવ પ્રતિ કિલોગ્રામ ₹1,54,900 સુધી ઘટી ગયા છે. લંડન અને અન્ય વિદેશી બજારોમાં ચાંદીની અછતને કારણે અગાઉ ભાવ વધી રહ્યા હતા, પરંતુ હવે, વૈશ્વિક પુરવઠો સામાન્ય થતાં, ભાવ ઘટવા લાગ્યા છે.

ભારતમાં સોના અને ચાંદીના ભાવ કેવી રીતે નક્કી થાય છે?

ભારતમાં સોના અને ચાંદીના ભાવ ઇન્ડિયન બુલિયન એન્ડ જ્વેલર્સ એસોસિએશન (IBJA) દ્વારા નક્કી કરવામાં આવે છે. આંતરરાષ્ટ્રીય બજારના વલણો, ડોલર-રૂપિયા વિનિમય દર, આયાત જકાત અને પુરવઠા-માંગની સ્થિતિ ભાવને પ્રભાવિત કરે છે. સ્થાનિક કર અને ઝવેરીઓના નફાના માર્જિનના આધારે દરેક શહેરમાં દર થોડા બદલાય છે.