ટેરિફ વોરને લઇને સોનાના ભાવમાં વધારો ઘટાડો જોવા મળી રહ્યો છે. તેમાં પણ ગોલ્ડ પર ટેરિફ ન લગાડવાની જાહેરાતને કારણે સોનાના ભાવમાં ઘટાડો થયો છે. ભૂ-રાજકીય તણાવમાં ઘટાડો થવાને કારણે, સોના અને ચાંદીના ભાવમાં થોડો ઘટાડો થયો છે. જોકે અસ્થિરતા ચાલુ રહે છે. યુક્રેન-રશિયા યુદ્ધ હવે તેના અંતિમ તબક્કામાં પ્રવેશવાની અપેક્ષાઓ વચ્ચે, બુધવાર, 13 ઓગસ્ટ 2025 ના રોજ આંતરરાષ્ટ્રીય બજારમાં સોનાના ભાવમાં ઘટાડો થયો હતો, જ્યારે ચાંદીનો ભાવ છેલ્લા ત્રણ અઠવાડિયાથી પ્રતિ કિલો રૂ. 1 લાખથી ઉપર રહ્યો છે.
સોનાનો ભાવ
આજે સોનાના ભાવમાં 100 રૂપિયાનો ઘટાડો થયો છે. દેશના મોટા રાજ્યોમાં 24 કેરેટ 10 ગ્રામ સોનાનો ભાવ 1,01,000 રૂપિયા પર ટ્રેડ કરી રહ્યો છે. જ્યારે 22 કેરેટ સોનાનો ભાવ મોટા શહેરોમાં 92,900 રૂપિયાની આસપાસ ટ્રેડ કરી રહ્યો છે. ત્યારે આવો જાણીએ 13 ઓગષ્ટે વિવિધ શહેરોમાં શું છે સોના ચાંદીનો ભાવ..
ચાંદીનો ભાવ
દેશના મોટા રાજ્યોમાં એક કિલો ચાંદીનો ભાવ 1,14,900 રૂપિયા પ્રતિ કિલોગ્રામ પર ટ્રેડ કરી રહ્યો છે. આજે ચાંદીના ભાવમાં 100 રૂપિયાનો ઘટાડો થયો છે.
મોટા શહેરોમાં શું છે સોનાનો ભાવ ?
| શહેર | 24 કેરેટ પ્રતિ 10 ગ્રામ | 22 કેરેટ પ્રતિ 10 ગ્રામ |
| અમદાવાદ | રૂ. 1,01,400 | રૂ. 92,950 |
| દિલ્હી | રૂ. 1,01,540 | રૂ. 93,090 |
| મુંબઈ | રૂ 1,01,390 | રૂ. 93,750 |
| ચેન્નાઈ | રૂ. 1,01,390 | રૂ. 92,940 |
| બેંગલુરુ | રૂ 1,01,390 | રૂ. 92,940 |
જાણો 22 અને 24 કેરેટ વચ્ચે શું તફાવત છે?
24 કેરેટ સોનું 99.9% શુદ્ધ અને 22 કેરેટ સોનું લગભગ 91% શુદ્ધ છે. 22 કેરેટ સોનામાં તાંબુ, ચાંદી, જસત જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું વૈભવી છે તેને જ્વેલરી બનાવી શકાતું નથી. તેથી જ મોટાભાગના દુકાનદારો 22 કેરેટમાં સોનું વેચે છે.
મિસ્ડ કોલથી જાણો કિંમત
22 કેરેટ અને 18 કેરેટ સોનાના દાગીનાના છૂટક દરો જાણવા માટે તમે 8955664433 પર મિસ્ડ કોલ કરી શકો છો. થોડા સમયની અંદર એસએમએસ દ્વારા દરો ઉપલબ્ધ થશે. આ સિવાય સતત અપડેટ્સ વિશેની માહિતી માટે તમે www.ibja.co અથવા ibjarates.com પર જઈ શકો છો.
કેવી રીતે નક્કી થાય છે સોનાનો ભાવ
સોના અને ચાંદીના ભાવ દૈનિક ધોરણે નક્કી થાય છે. સોના અને ચાંદીના ભાવ નક્કી કરવા માટે ઘણા પરિબળો જવાબદાર છે, જેમાં વિનિમય દર, ડોલરના ભાવમાં વધઘટ, કસ્ટમ ડ્યુટીનો સમાવેશ થાય છે. આ ઉપરાંત, આંતરરાષ્ટ્રીય બજારમાં કોઈપણ પ્રકારની લચાલ સોનાના ભાવ પર સીધી અસર કરે છે. જો વૈશ્વિક બજારમાં અનિશ્ચિતતાની પરિસ્થિતિ હોય, તો રોકાણકારો બજારથી અંતર રાખીને સોના જેવી વસ્તુઓમાં સલામત રોકાણને વધુ સારો વિકલ્પ માને છે.
આ ઉપરાંત ભારતમાં સોનાનું સામાજિક અને આર્થિક મહત્વ પણ છે. લગ્ન કે તહેવારમાં સોનું હોવું ખૂબ જ શુભ માનવામાં આવે છે. આ ઉપરાંત પરિવારમાં સોનું હોવું એ તે પરિવારની સમૃદ્ધિનું પ્રતીક પણ માનવામાં આવે છે. સોનાએ દરેક યુગમાં ફુગાવા કરતાં વધુ સારું વળતર આપવાનું સાબિત કર્યું છે. આ જ કારણ છે કે તેની માંગ હંમેશા રહી છે.