Gold Silver Price: સોનાના ભાવ ઘટ્યા તો ચાંદી થઇ મોંઘી, જાણો 10 ગ્રામ સોનાની લેટેસ્ટ કિંમત

એક તરફ અમેરિકાએ  દાવો કર્યો હતો કે અમેરિકા હવે વ્યૂહાત્મક રીતે મહત્વપૂર્ણ હોર્મુઝ સ્ટ્રેટ પર લગભગ સંપૂર્ણ નિયંત્રણ ધરાવે છે. તેમણે એમ પણ કહ્યું હતું કે ઈરાની અર્થવ્યવસ્થા ક્રેશ તરફ આગળ વધી રહી છે. તો બીજી તરફ ક્રૂડ ઓઇલના ભાવ 100 ડોલરની નજીક પહોંચ્યો છે. પરિણામે ભારતીય  શેરબજાર આજે ક્રેશ થઇ છે. ત્યારે સોના ચાંદીના ભાવ પર પણ તેની અસર જોવા મળી રહી છે. આવો જાણીએ શું છે 2 સપ્ટેમ્બરે સોના ચાંદીનો ભાવ.  

આજે શું છે સોનાનો ભાવ ? 

આજે સોનાના ભાવમાં ₹208નો ઘટાડો થયો છે, જેના કારણે ટ્રેડિંગ ભાવ પ્રતિ 10 ગ્રામ ₹62,507 થયો છે. મલ્ટી કોમોડિટી એક્સચેન્જ (MCX) પર, સોનાનો ભાવ ₹208 (0.13%) ઘટીને પ્રતિ 10 ગ્રામ ₹1,54,252 થયો છે, જેમાં 2,452 લોટનું ટ્રેડિંગ વોલ્યુમ છે. બજાર વિશ્લેષકોએ સોનાના વાયદામાં ઘટાડા માટે નબળી સ્પોટ માંગને જવાબદાર ગણાવી છે. વૈશ્વિક સ્તરે, સોનાના ભાવ 0.12% ઘટીને $4,432.26 પ્રતિ ઔંસ થયા છે. ગઈકાલે, 1 સપ્ટેમ્બર (મંગળવાર) ના રોજ, સોનાના ભાવ ₹2,045 ઘટીને ₹1,54,236 પ્રતિ 10 ગ્રામ પર ટ્રેડ થઈ રહ્યા છે.

આજે ચાંદીનો ભાવ શું છે?

આજે ચાંદીના ભાવ 0.19% વધીને ₹2,40,577 પ્રતિ કિલોગ્રામ પર પહોંચ્યા છે. MCX પર, ભાવ ₹27 (0.19%) વધીને ₹2,40,577 પ્રતિ કિલોગ્રામ પર પહોંચ્યા છે, જેમાં 2,655 લોટનું ટ્રેડિંગ થયું છે. વૈશ્વિક સ્તરે, ચાંદીના ભાવ 0.17% ઘટીને $66.46 પ્રતિ ઔંસ થયા છે. આજે ચાંદી મોંઘી હોવા છતાં, ગઈકાલે તે સસ્તી થઈ હતી. ગઈકાલે, ચાંદીના ભાવ ₹1,955 ઘટ્યા હતા. 1 સપ્ટેમ્બરના રોજ, ચાંદી ₹2,40,489 પ્રતિ કિલોગ્રામ પર ટ્રેડ થઈ રહી હતી. 

દેશના કેટલાક મોટા શહેરોમાં સોનાનો ભાવ (ગુડ રિટર્ન્સ અનુસાર) 

સોનું અને ચાંદી ખરીદતી વખતે કઈ બાબતોનું ધ્યાન રાખવું?

જો તમે સોનું ખરીદી રહ્યા હોવ તો હંમેશા હોલમાર્ક તપાસો અને 6 અંકનો HUID કોડ જોઈને જ ખરીદી કરો. ચાંદી માટે પણ BIS હોલમાર્ક હોય છે અને તેમાં 925 સ્ટર્લિંગ સિલ્વરને સૌથી સારી ગુણવત્તાનું માનવામાં આવે છે. ઉપરાંત, ખરીદી પહેલાં સોના અને ચાંદીની શુદ્ધતાની તપાસ પણ જરૂર કરાવો.