સોના ચાંદીના ભાવ દરેક વ્યક્તિને અસર કરે છે. લોકો પોતાના દીકરા દીકરીના ભવિષ્ય માટે અત્યારથી જ સોના ચાંદી ખરીદીને રાખે છે. તેવામાં હવે તો તહેવારો નજીક છે. ત્યારે સોના ચાંદીના ભાવમાં 15 સપ્ટેમ્બરના રોજ ફેરફાર આવ્યો છે.
આજે સોનાનો ભાવ ?
આજે સોનાના ભાવમાં ફેરફાર આવ્યો છે. સોનાની કિંમત તો એક લાખને પાર પહોંચી છે. તેવામાં 15 સપ્ટેમ્બરે સોના ચાંદીના નવા ભાવ જાહેર થયા છે. સવારે MCX પર ઓક્ટોબર સોનાના વાયદા 0.06 ટકા ઘટીને રૂ. 1,09,308 પ્રતિ 10 ગ્રામ પર ટ્રેડ થઈ રહ્યા હતા. ગયા સપ્તાહે 9 સપ્ટેમ્બરે આ ભાવ રૂ. 1,09,840 પર પહોંચી ગયો હતા જે રેકોર્ડ ઉચ્ચતમ સ્તર હતો. દીના ડિસેમ્બર વાયદામાં રૂ. 1,28,983 પ્રતિ કિલોનો નજીવો વધારો નોંધાયો હતો.
તહેવારોની મોસમ દરમિયાન સોનાની માંગ વધશે
ભારતમાં તહેવારોની મોસમ સપ્ટેમ્બર મહિનાથી શરૂ થાય છે જેમ કે દિવાળી,નવરાત્રિ અને કરવા ચોથ. સામાન્ય રીતે આ તહેવારો દરમિયાન સોનાની માંગ વધે છે. સોનાને શુભ માનવામાં આવે છે અને લોકો તેને ભેટ અથવા રોકાણ તરીકે ખરીદે છે. તેથી સામાન્ય રીતે તહેવારોની સિઝન ત્યારબાદ લગ્નની મોસમ દરમિયાન ભારતમાં સોનાની માંગ વધે છે.
સોનાના ભાવમાં વધુ વધઘટ?
આગામી યુએસ ફેડરલ રિઝર્વની બેઠક અને નબળા શ્રમ બજારના ડેટાએ વ્યાજ દરમાં ઘટાડાની અપેક્ષા વધારી છે, જેના કારણે સોનાના ભાવ અસ્થિર રહેશે. તહેવારોની મોસમને કારણે સોનાની માંગ વધવાની છે, તેથી જો તમે રોકાણકાર છો તો તમારા પોર્ટફોલિયોમાં સોનાનો સમાવેશ કરવાનો આ યોગ્ય સમય હોઈ શકે છે.
22 કેરેટ અને 24 કેરેટમાં શું છે તફાવત?
24 કેરેટ સોનું 99.9% શુદ્ધ અને 22 કેરેટ સોનું લગભગ 91% શુદ્ધ છે. 22 કેરેટ સોનામાં તાંબુ, ચાંદી, જસત જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું વૈભવી છે તેને જ્વેલરી બનાવી શકાતું નથી. તેથી જ મોટાભાગના દુકાનદારો 22 કેરેટમાં સોનું વેચે છે.
મિસ્ડ કોલથી જાણો કિંમત
22 કેરેટ અને 18 કેરેટ સોનાના દાગીનાના છૂટક દરો જાણવા માટે તમે 8955664433 પર મિસ્ડ કોલ કરી શકો છો. થોડા સમયની અંદર એસએમએસ દ્વારા દરો ઉપલબ્ધ થશે. આ સિવાય સતત અપડેટ્સ વિશેની માહિતી માટે તમે www.ibja.co અથવા ibjarates.com પર જઈ શકો છો.
કેવી રીતે નક્કી થાય છે સોનાનો ભાવ
સોના અને ચાંદીના ભાવ દૈનિક ધોરણે નક્કી થાય છે. સોના અને ચાંદીના ભાવ નક્કી કરવા માટે ઘણા પરિબળો જવાબદાર છે, જેમાં વિનિમય દર, ડોલરના ભાવમાં વધઘટ, કસ્ટમ ડ્યુટીનો સમાવેશ થાય છે. આ ઉપરાંત, આંતરરાષ્ટ્રીય બજારમાં કોઈપણ પ્રકારની લાલચ સોનાના ભાવ પર સીધી અસર કરે છે. જો વૈશ્વિક બજારમાં અનિશ્ચિતતાની પરિસ્થિતિ હોય તો રોકાણકારો બજારથી અંતર રાખીને સોના જેવી વસ્તુઓમાં સલામત રોકાણને વધુ સારો વિકલ્પ માને છે.
આ ઉપરાંત ભારતમાં સોનાનું સામાજિક અને આર્થિક મહત્વ પણ છે. લગ્ન કે તહેવારમાં સોનું હોવું ખૂબ જ શુભ માનવામાં આવે છે. આ ઉપરાંત પરિવારમાં સોનું હોવું એ તે પરિવારની સમૃદ્ધિનું પ્રતીક પણ માનવામાં આવે છે. સોનાએ દરેક યુગમાં ફુગાવા કરતાં વધુ સારું વળતર આપવાનું સાબિત કર્યું છે. આ જ કારણ છે કે તેની માંગ હંમેશા રહી છે.
દેશના મોટા શહેરોમાં શું છે સોના-ચાંદીનો ભાવ ?
| શહેર | 24 કેરેટ પ્રતિ 10ગ્રામ | 22 કેરેટ પ્રતિ 10 ગ્રામ |
| અમદાવાદ | રૂ.1,11,200 | રૂ. 1,01,950 |
| દિલ્હી | રૂ.1,11,300 | રૂ. 1,02,050 |
| મુંબઈ | રૂ. 1,11,170 | રૂ. 1,01,900 |
| ચેન્નાઈ | રૂ. 1,11,171 | રૂ. 1,02,200 |
| બેંગલુરુ | રૂ. 1,11,170 | રૂ. 1,01,900 |