ભારતમાં આજે સોના અને ચાંદીના ભાવમાં ઘટાડો જોવા મળી રહ્યો છે. જો કે COMEX (કોમોડિટી એક્સચેન્જ) પર સોનું $4,804.70 પ્રતિ ઔંસ પર યથાવત ટ્રેડ થઈ રહ્યું છે . જે દર્શાવે છે કે આંતરરાષ્ટ્રીય સ્તરે ભૂ-રાજકીય તણાવની કિંમતો પર તાત્કાલિક અસર થઈ નથી. સ્થાનિક ભાવમાં ઘટાડો થયો છે.
આજે સોનાનો ભાવ શું છે?
આજે દેશના બુલિયન બજારોમાં 24 કેરેટ સોનાનો ભાવ ₹1,43,890 પ્રતિ 10 ગ્રામ છે. જે ગઈકાલની સરખામણીમાં 1.18% ઘટાડો દર્શાવે છે. ગઈકાલે 24 કેરેટ સોનાનો ભાવ ₹1,45,600 ની આસપાસ હતો. તેવી જ રીતે આજે 22 કેરેટ સોનાનો ભાવ ₹1,31,803 પ્રતિ 10 ગ્રામ છે, જે ગઈકાલના ₹1,33,377 પ્રતિ 10 ગ્રામના સ્તર કરતાં ₹1,574 ઓછો છે. આ પ્રતિ ગ્રામ ₹157 નો ઘટાડો દર્શાવે છે. આજે 18 કેરેટ સોનાનો ભાવ 10 ગ્રામ દીઠ ₹1,07,917 છે, જ્યારે ગઈકાલે તે ₹1,09,206 હતો. જે આજના ભાવ કરતાં ₹1288નો વધારો દર્શાવે છે.
આજે ચાંદીના ભાવ
વૈશ્વિક બજારમાં, ચાંદી આજે પ્રતિ ટ્રોય ઔંસ $58.69 પર ટ્રેડ થઈ રહી છે, જે ગઈકાલની સરખામણીમાં 0.26 % નો નજીવો વધારો દર્શાવે છે. જોકે ભારતીય બજારોમાં, ચાંદીનો ભાવ 3.35 % ઘટીને પ્રતિ કિલોગ્રામ ₹2.29 લાખ પર પહોંચી ગયો છે. ભૂરાજકીય તણાવ અને વૈશ્વિક અનિશ્ચિતતાઓ વચ્ચે ચાંદી અગાઉ રેકોર્ડ ઉચ્ચતમ સ્તર પર પહોંચી હતી, પરંતુ હવે ભાવમાં નવી અસ્થિરતા જોવા મળી રહી છે.
સોના અને ચાંદીના ભાવમાં ઘટાડા અને યુએસ
યુએસ અને ઈરાન વચ્ચે શાંતિ મંત્રણા તૂટી જવા અને મધ્ય પૂર્વમાં ફરી તણાવ વચ્ચે, આંતરરાષ્ટ્રીય બજારમાં ક્રૂડ ઓઇલના ભાવ 5% થી વધુ વધીને પ્રતિ બેરલ $78 ને પાર કરી ગયો છે. તેલના વધતા ભાવ વૈશ્વિક બજારોમાં ફુગાવાના ભયને વધારે છે જેના કારણે યુએસ ફેડરલ રિઝર્વને તેને નિયંત્રણમાં લાવવા માટે વ્યાજ દર વધારવાની ફરજ પડી છે. પરિણામે રોકાણકારો સોના અને ચાંદીમાંથી ભંડોળ સરકારી બોન્ડમાં સ્થાનાંતરિત કરે તેવી શક્યતા છે જેના કારણે કિંમતી ધાતુઓની માંગમાં ઘટાડો થશે અને તેના ભાવમાં ઘટાડો થશે.
દેશના મોટા શહેરોમાં શું છે સોના ચાંદીનો ભાવ (ગુડ રિટર્ન્સ અનુસાર)
| શહેર | 24 કેરેટ સોનાની કિંમત ( રૂપિયા/10 ગ્રામ) ) | 22 કેરેટ સોનાની કિંમત( રૂપિયા/10 ગ્રામ) |
| દિલ્હી | 1,43,390 | 1,31,450 |
કોલકાતા
| 1,43,390
| 1,31,300
|
| ચેન્નઈ | 1,44,220
| 1,32,200 |
| બેંગ્લોર | 1,45,420 | 1,33,300 |
| અમદાવાદ | 1,43,290 | 1,31,350 |
| વડોદરા | 1,43,290 | 1,31,350 |
