અમેરિકા અને ઈરાન વચ્ચે ચાલી રહેલા તણાવ અને વૈશ્વિક બજારમાં અનિશ્ચિતતા વચ્ચે સોનાના ભાવમાં સતત વધઘટ જોવા મળી રહી છે. ગુરુવારે સોના અને ચાંદી બંનેના ભાવમાં નોંધપાત્ર અસ્થિરતા જોવા મળી. યુએસ ફેડરલ રિઝર્વ દ્વારા વધુ વ્યાજ દરમાં વધારાની શક્યતા અને પશ્ચિમ એશિયામાં તણાવ ઓછો થવાની આશા જેવા પરિબળોને કારણે ભાવમાં વધઘટ થઈ
MCX પર સોનું અને ચાંદી
મલ્ટિ કોમોડિટી એક્સચેન્જ (MCX) પર, ઓગસ્ટ ડિલિવરી માટે સોનું ₹1,40,672 પ્રતિ 10 ગ્રામ પર ખુલ્યું, જે અગાઉના ₹1,41,270 ના બંધ કરતા ₹598 (0.42%) ઘટી ગયું. જોકે ટ્રેડિંગ સત્ર દરમિયાન ખરીદીમાં વધારો થવાને કારણે સોનું સુધર્યું. સવારે 11:38 સુધીમાં, તે ₹719 (0.50%) વધીને ₹1,41,989 પ્રતિ 10 ગ્રામની ઇન્ટ્રા-ડે ઉચ્ચતમ સપાટીએ પહોંચ્યું. દિવસના ટ્રેડિંગ દરમિયાન, તે ₹1,40,543 ની નીચી સપાટીએ પણ સરકી ગયું. ચાંદીની વાત કરીએ તો જુલાઈ ડિલિવરી માટેનો વાયદાનો ભાવ ₹2,10,308 પ્રતિ કિલોગ્રામ પર ખુલ્યો હતો, જે અગાઉના બંધ ₹2,13,075 કરતા ₹2,767 (1.30%) ઓછો હતો.
