સરકારી ઓઈલ રિફાઈનરી કંપની હિન્દુસ્તાન પેટ્રોલિયમ કોર્પોરેશન લિમિટેડ (HPCL)ના શેરોમાં આજે જોરદાર ખરીદીનો ટ્રેન્ડ જોવા મળ્યો. માર્ચ 2026 ત્રિમાસિકના મજબૂત પરિણામો અને છેલ્લા પાંચ વર્ષમાં સૌથી મોટા ડિવિડન્ડની જાહેરાત બાદ કંપનીના શેરોમાં તેજી જોવા મળી. ટ્રેડિંગ દરમિયાન શેર 5%થી વધુ ઉછળ્યો હતો, જોકે પછી નફાવસૂલીના કારણે ભાવ થોડા નરમ પડ્યા. તેમ છતાં નીચલા સ્તરે ખરીદી ચાલુ રહેતાં શેર મજબૂત સ્થિતિમાં રહ્યો.
કંપનીને 4,901 કરોડનો થયો નફો
હાલમાં BSE પર HPCLનો શેર 4.71%ની વધારાની સાથે ₹387 પર ટ્રેડ થઈ રહ્યો છે, જ્યારે ઇન્ટ્રા-ડેમાં તે 5.60% ઉછળીને ₹390.30 સુધી પહોંચ્યો હતો. માર્ચ 2026 ત્રિમાસિકમાં હિન્દુસ્તાન પેટ્રોલિયમનો નેટ પ્રોફિટ ત્રિમાસિક આધાર પર 20% વધીને ₹4,901 કરોડ થયો છે. કંપનીનો આવક આ ત્રિમાસિકમાં ₹1.15 લાખ કરોડ રહ્યો અને તે લગભગ સ્થિર રહ્યો. ઓપરેટિંગ લેવલે કંપનીનો ઓપરેટિંગ પ્રોફિટ 28% વધીને ₹8,979 કરોડ થયો છે, જ્યારે માર્જિન પણ 170 બેસિસ પોઈન્ટ્સ વધીને 7.8% થયો છે.
છેલ્લા પાંચ વર્ષમાં આ સૌથી મોટું ડિવિડન્ડ
પૂર્ણ નાણાકીય વર્ષ 2026માં કંપનીનો ગ્રોસ રિફાઈનિંગ માર્જિન પ્રતિ બેરલ $5.74થી વધીને $8.79 થયો છે. માર્ચ ત્રિમાસિકમાં આ આંકડો $14.5 પ્રતિ બેરલ રહ્યો હતો. ગ્રોસ રિફાઈનિંગ માર્જિનનો અર્થ એ થાય છે કે કાચા તેલને પેટ્રોલિયમ ઉત્પાદનમાં ફેરવવાથી થતો નફો. કંપનીએ પરિણામોની સાથે જ પ્રતિ શેર ₹19ના ફાઈનલ ડિવિડન્ડની જાહેરાત કરી છે. સરકાર પાસે 54.9% હિસ્સેદારી હોવાથી તેને લગભગ ₹2,219 કરોડ ડિવિડન્ડ મળશે. છેલ્લા પાંચ વર્ષમાં આ સૌથી મોટું ડિવિડન્ડ છે.
અગાઉ પણ કંપનીએ વિવિધ સમયગાળામાં ડિવિડન્ડ આપ્યા હતા. નવેમ્બર 2025માં ₹6, ઓગસ્ટ 2025માં ₹10.5, ઓગસ્ટ 2024માં ₹11, ફેબ્રુઆરી 2024માં ₹15 અને જુલાઈ 2021માં ₹22.75 પ્રતિ શેર. HPCLના શેરોએ છેલ્લા એક વર્ષમાં ભારે ઉતાર-ચઢાવ જોયો છે. 5 જાન્યુઆરી 2026ના રોજ શેર ₹508.45ના રેકોર્ડ હાઈ પર હતો, પરંતુ ત્યારબાદ માત્ર બે મહિનામાં તે 37.81% ઘટીને 23 માર્ચ 2026 સુધી ₹316.20ના નીચલા સ્તર પર આવી ગયો હતો. ત્યારથી તેમાં ફરીથી રિકવરી જોવા મળી રહી છે.
આ પણ વાંચો : Business News : મેટલ કંપનીઓના શેરમાં આવ્યો અચાનક જ ઉછાળો, જાણો તેનું મોટું કારણ
ડિસ્કલેમર: શેરબજારમાં કે મ્યુચ્યુઅલ ફંડમાં રોકાણ કરતા પહેલા તમારા ફાઈનાન્શિયલ એડવાઈઝરની સલાહ અવશ્ય લો.
