ગયા અઠવાડિયે ભારતીય શેરબજારના રોકાણકારોને ભારે ઝટકો લાગ્યો હતો. દેશની ટોપ-10 સૌથી મૂલ્યવાન કંપનીઓમાંથી 7 કંપનીઓને મોટું આર્થિક નુકસાન થયું છે. થોડા જ દિવસોમાં આ કંપનીઓના કુલ માર્કેટ કેપમાંથી અંદાજે 1.75 લાખ કરોડ રૂપિયા ઘટી ગયા. BSE સેન્સેક્સ 949.74 પોઈન્ટ (1.27%) ઘટ્યો હતો, જ્યારે NSE નિફ્ટી પણ 294.9 પોઈન્ટ (1.27%) તૂટી ગયો.
વધતી વોલેટિલિટીથી રોકાણકારોમાં ભય
બજારમાં આ ભારે ઘટાડા પાછળ વૈશ્વિક અને સ્થાનિક કારણો જવાબદાર રહ્યા. મધ્ય પૂર્વમાં વધતા ભૂ-રાજકીય તણાવ, ઊર્જા પુરવઠા અંગેની ચિંતાઓ, રૂપિયાની કમજોરી અને વધતા વોલેટિલિટીથી રોકાણકારોમાં ભય ફેલાયો હતો. અઠવાડિયાના મધ્યમાં થોડી સુધારાની આશા જોવા મળી હતી, પરંતુ અંતે વેચવાલીનું દબાણ વધી જતા બજાર ફરી તૂટી પડ્યું.