માર્ચ મહિનાના અંતિમ દિવસે સોનાના ભાવમાં વધારો જોવા મળી રહ્યો છે. આજે, મંગળવાર, 31 માર્ચ, મહાવીર જયંતિના દિવસે સોના ચાંદીના ભાવમાં ફેરફાર આવ્યો છે. મધ્ય પૂર્વના દેશો વચ્ચે ચાલી રહેલા યુદ્ધને કારણે વૈશ્વિક અનિશ્ચિતતા જોવા મળી છે. પરિણામે સોના ચાંદીના ભાવ પણ બદલાઇ રહ્યા છે. ક્યારેક ભાવ વધે છે તો ક્યારેક ઘટે છે. ત્યારે આવો જાણીએ 31 માર્ચે શું છે સોના ચાંદીનો લેટેસ્ટ રેટ.
આજે સોનાનો ભાવ
મહાવીર જયંતિ નિમિત્તે 24 કેરેટ સોનાના ભાવમાં પ્રતિ ગ્રામ 103 રૂપિયાનો વધારો થયો છે. પરિણામે, ભાવ 14,944 રૂપિયા પર પહોંચી ગયો છે. તેવી જ રીતે 22 કેરેટ સોનાનો ભાવ પ્રતિ ગ્રામ 13700 રૂપિયા થયો છે, જે પાછલા ટ્રેડિંગ સત્રની સરખામણીમાં 95 રૂપિયાનો વધારો દર્શાવે છે. નોંધનીય છે કે છેલ્લા બે દિવસમાં 24 કેરેટ સોનાના ભાવમાં પ્રતિ ગ્રામ 122 રૂપિયાનો વધારો થયો છે, જ્યારે 22 કેરેટ સોનાના ભાવમાં 110 રૂપિયાનો વધારો થયો છે. 10 ગ્રામ 24 કેરેટ સોનાનો ભાવ ₹1,030 વધીને ₹1,48,410 થી વધીને ₹1,49,440 થયો છે.
આજે ચાંદીનો ભાવ
છેલ્લા કેટલાક દિવસોથી ચાંદીના ભાવમાં વધઘટ થઈ રહી છે. 25 માર્ચે, ભાવ આશરે ₹2,34,814 પ્રતિ કિલોગ્રામ હતો. 27 માર્ચે તે ઘટીને ₹221647 થયો અને ત્યારબાદ 30 માર્ચે ફરી વધીને ₹230,135ની આસપાસ પહોંચ્યો. ત્યારે ગુડ રિટર્ન અનુસાર આજે ચાંદીનો ભાવ પ્રતિ કિલો 2,50,000 નોંધાયો છે.
મોટા શહેરોમાં આજનો સોનાનો ભાવ (ગુડ રિટર્ન્સ અનુસાર)
| શહેર | 24 કેરેટ પ્રતિ 10ગ્રામ | 22 કેરેટ પ્રતિ 10 ગ્રામ |
| અમદાવાદ | 1,49,340 | 1,36,900 |
| વડોદરા | 1,49,340 | 1,36,900 |
| રાજકોટ | 1,49,340 | 1,36,900 |
| સુરત | 1,49,340 | 1,36,900 |
| મુંબઇ | 1,49,290 | 1,36,850 |
| દિલ્હી | 1,49,440 | 1,37,000 |
ભારતીય પરંપરાઓ અને લાગણીઓ સાથે જોડાયેલભારતમાં સોનું ફક્ત રોકાણનું સાધન નથી. તે લોકોની પરંપરાઓ અને લાગણીઓ સાથે પણ ઊંડે સુધી જોડાયેલું છે. લગ્ન, તહેવારો અને ખાસ પ્રસંગો દરમિયાન સોનું ખરીદવું શુભ માનવામાં આવે છે. ઘણા પરિવારો પેઢી દર પેઢી સોનાને સાચવવાની પરંપરાને જાળવી રાખે છે, તેને સુરક્ષા અને સમૃદ્ધિનું પ્રતીક માને છે.
ગ્રામીણ વિસ્તારોથી લઈને શહેરી કેન્દ્રો સુધી, સોનાને એક વિશ્વસનીય સંપત્તિ માનવામાં આવે છે. જ્યારે પણ આર્થિક અનિશ્ચિતતા વધે છે, ત્યારે લોકો ઘણીવાર સોના તરફ વળે છે. આ જ કારણ છે કે, ભારતમાં, સોનાને ફક્ત ઘરેણાં સાથે જ નહીં, પરંતુ સંસ્કૃતિ, શ્રદ્ધા અને ભવિષ્યની સુરક્ષા સાથે પણ જોડવામાં આવે છે.
આ પણ વાંચો: ભારતના કયા રાજ્યમાં તેલના સૌથી વધારે કૂવા ?
