કેન્દ્ર સરકારના કર્મચારીઓ અને પેન્શનર્સ માટે 2026નું વર્ષ ખૂબ જ મહત્વપૂર્ણ રહેવાનું છે. 7મું પગાર પંચ 31 ડિસેમ્બર 2025ના રોજ સમાપ્ત થશે, અને હવે તમામ ધ્યાન 8મા પગાર પંચ પર કેન્દ્રિત છે. આ દરમિયાન, લોકોના મનમાં એક પ્રશ્ન ઉભો થઈ રહ્યો છે કે શું જાન્યુઆરી 2026થી 8મા પગાર પંચના પૈસા તેમના પગારમાં ઉમેરવામાં આવશે? ચાલો આ પ્રશ્નનો જવાબ જાણીએ.
8મા પગાર પંચની પ્રોસેસ શરૂ
ભારત સરકારે 8મા પગાર પંચની પ્રોસેસ શરૂ કરી દીધી છે. આઠમા પગાર પંચ માટેની શરતો અને નિયમો ઓક્ટોબર 2025માં મંજૂર કરવામાં આવ્યા હતા. જેનો અર્થ એ થયો કે આ પ્રક્રિયા સત્તાવાર રીતે શરૂ થઈ ગઈ છે. કમિશનને પગાર માળખું, ભથ્થાં અને પેન્શન સંબંધિત બાબતોનો અભ્યાસ કરવા માટે લગભગ 18 મહિનાનો સમય આપવામાં આવ્યો છે. આનો અર્થ એ થયો કે અંતિમ અહેવાલમાં સમય લાગશે અને 2026ની શરૂઆતમાં તે તાત્કાલિક તૈયાર થશે નહીં.
શું જાન્યુઆરીથી મળશે પેમેન્ટ?
અગાઉના પગાર પંચોની જેમ આઠમા પગાર પંચના અમલીકરણની તારીખ 1 જાન્યુઆરી 2026 છે. જોકે, આનો અર્થ એ નથી કે વધેલો પગાર જાન્યુઆરીથી જ ખાતામાં જમા થઈ જશે. હકીકતમાં અમલીકરણની તારીખ અને સરકારની મંજૂરી પછી વાસ્તવિક ચુકવણી વચ્ચે હંમેશા થોડા સમયનું અંતર હોય છે.
કેટલી સેલેરી વધવાની છે આશા
સરકારે હજુ સુધી સત્તાવાર આંકડા જાહેર કર્યા નથી, પરંતુ ભૂતકાળના વલણોના આધારે અંદાજ લગાવી શકાય છે. આપને જણાવી દઈએ કે છઠ્ઠા પગાર પંચમાં આશરે 40% અને સાતમા પગાર પંચમાં આશરે 23% થી 25% નો વધારો આપવામાં આવ્યો હતો. જેના આધારે, 8મા પગાર પંચમાં આશરે 20% થી 35% નો પગાર વધારો થવાની ધારણા છે.
કેટલું હોઈ શકે છે ફિટમેન્ટ ફેક્ટર?
7મા પગાર પંચ હેઠળ ફિટમેન્ટ ફેક્ટર 2.57 હતું. 8મા પગાર પંચ માટે ફિટમેન્ટ ફેક્ટર 2.4 અને 3.0ની વચ્ચે હોઈ શકે છે. વધુ ફિટમેન્ટ ફેક્ટર બેઝિક સેલેરીમાં નોંધપાત્ર વધારો કરી શકે છે.
નવી લઘુત્તમ સેલેરી કેટલી હોઈ શકે છે?
હાલમાં, કેન્દ્ર સરકારના કર્મચારી માટે મિનિમમ બેઝિક સેલેરી 18,000 રૂપિયા છે. પ્રસ્તાવિત ફિટમેન્ટ ફેક્ટર શ્રેણીના આધારે નવી મિનિમમ બેઝિક સેલેરી 41,000 રૂપિયાથી 51,480 રૂપિયાની વચ્ચે હોઈ શકે છે. સરળ શબ્દોમાં કહીએ તો, જાન્યુઆરી 2026માં આઠમા પગાર પંચનો સુધારેલો પગાર મળવાની અપેક્ષા રાખશો નહીં. તે ફક્ત જાન્યુઆરીમાં લાગુ કરવામાં આવશે, અને મંજૂરી પછી બાકી રકમ ચૂકવવામાં આવશે.
આ પણ વાંચો : India Bangladesh Tension : બંને દેશો વચ્ચે તણાવ વધ્યો, બાંગ્લાદેશી હાઈ કમિશનરને એક અઠવાડિયામાં બીજી વખત સમન્સ પાઠવવામાં આવ્યું
