ભારતીય રિઝર્વ બેંકે આજે એટલે કે 22 જુલાઇ 2025ના રોજ સોવરેન ગોલ્ડ બોન્ડના 2018-2019 સિરિઝ-Vની અકાળ રિડેમ્પશનની સમય પહેલા જ કિમતની જાહેર કરી દીધી છે. આ બોન્ડ આજે જ રિડીમ કરવામાં આવશે. રોકાણકારોએ બોન્ડની કિંમત રોકડમાં ચૂકવવાની હોય છે બાદમાં પરિપક્વ થયા બાદ આ રોકડને રિડીમ કરવામાં આવે છે. ભારતીય રિઝર્વ બેન્ક દ્વારા આ બોન્ડને જાહેર કરવામાં આવે છે. મહત્વનું છે કે બોન્ડની પરિપકવતા 8 વર્ષની હોય છે પરંતુ 5 વર્ષ બાદ તેને રિડીમ કરી શકાય છે. સોવરિન ગોલ્ડ બોન્ડના રોકાણકારોને આજે આરબીઆઇએ ખુશ કરી દીધા છે એટલે કે રોકણકારોને 205 ટકા વળતર આપ્યુ છે. સૌથી પહેલાં તો એ જાણીએ કે આ સોવરિન ગોલ્ડ બોન્ડ છે શું?
સોવરિન ગોલ્ડ બોન્ડ શું છે?
ભારત સરકાર દ્વારાખાસ બહાર પાડેલું સોવરિન ગોલ્ડ બોન્ડ છે. જે સોનાના ગ્રામ પ્રમાણે વિભાજિત થાય છે એટલે કે તમારે ફિઝિકલી સોનુ નથી રાખવું તો આ બોન્ડ રાખી શકો છો અને તેના માટે આ વિકલ્પ સૌથી સુરક્ષિત છે. રોકાણકારે બોન્ડની કિંમત રોકડમાં ચૂકવવાની હોય છે. અને પરિપક્વ થયા બાદ રોકડમાં રિડીમ કરવાની હોય છે.
બોન્ડ પર વ્યાજ કેટલું મળે છે?
સોવરિન ગોલ્ડ બોન્ડ રોકાણકારોને પહેલાં રોકાણ રકમ પર વર્ષે 2.50% નું વ્યાજ આપે છે. દર 6 મહિને આ વ્યાજ રોકાણકારોના ખાતામાં જમા થાય છે. જ્યારે પણ આ બોન્ડ પાકે છે બાદમાં તેની મુદ્દલ રકમ સાથે વ્યાજની રોકાણકારોને ચૂકવણી કરવામાં આવે છે.
બોન્ડની કેટલી કિંમત છે?
આ સોવરિન ગોલ્ડ બોન્ડની એક યુનિટની કિંમત 9,820 રૂપિયા છે. પહેલાં 2019માં આની કિંમત 3,214 રૂ.હતી. જો તમે હવે તેને રિડીમ કરશો તો તમને 205 ટકા વળતર મળશે. કારણકે હાલ તે રિડમ્પશનની કિંમત 9,820 પર પહોંચી છે એટલે કે 6,606નો વધારો.
Disclaimer: કોઇ પણ વસ્તુનું રોકાણ કરતા પહેલા નિષ્ણાંતોની સલાહ અવશ્ય લો.
