દેશમાં સોનાની કિંમતમાં સાપ્તાહિક ધોરણે વધારો થયો છે. અલગ-અલગ શહેરોમાં 1 અઠવાડિયામાં 24 કેરેટ ગોલ્ડની કિંમત 1260 રૂપિયા સુધી વધી છે. 22 કેરેટ ગોલ્ડ 1150 રૂપિયા સુધી મોંઘું થયું છે. આજે 20 સપ્ટેમ્બરે રાજધાની દિલ્હીમાં સવારના સમયે 24 કેરેટ ગોલ્ડ 155990 રૂપિયા પ્રતિ 10 ગ્રામ પર છે. મુંબઈમાં કિંમત 155840 રૂપિયા પ્રતિ 10 ગ્રામ છે. આંતરરાષ્ટ્રીય બજારમાં હાજર સોનું 4,390.11 ડોલર પ્રતિ ઔંસ પર છે. સોનાનો વૈશ્વિક ભાવ 1 અઠવાડિયામાં આશરે 1 ટકા વધ્યો છે.
સોનું 10,000 ડોલર પહોંચવાની શક્યતા
જેફરીઝના ગ્લોબલ હેડ ઓફ ઈક્વિટી સ્ટ્રેટેજી ક્રિસ વુડનું માનવું છે કે સોનાનો ભાવ વધીને 10,000 ડોલર પ્રતિ ઔંસ સુધી પહોંચી શકે છે. અત્યારના સ્તરથી જોઈએ તો આ આશરે 130% નો ઉછાળો હશે. વુડે જેફરીઝ ઈન્ડિયા ફોરમ 2026 દરમિયાન સીએનબીસી-ટીવી18 સાથેની વાતચીતમાં કહ્યું કે 10,000 ડોલર પ્રતિ ઔંસનું લેવલ શક્ય છે. અમેરિકન બોન્ડ યીલ્ડને કંટ્રોલ કરવાના પ્રયાસથી ડોલર નબળો પડી શકે છે. આનો ફાયદો સોનાને મળી શકે છે.