દેશમાં વીકલી ધોરણે સોનાના ભાવમાં ઘટાડો નોંધાયો છે. અલગ-અલગ શહેરોમાં એક અઠવાડિયા દરમિયાન 24 કેરેટ સોનાની કિંમતમાં 3760 રૂપિયા સુધીનો ઘટાડો જોવા મળ્યો છે. જ્યારે 22 કેરેટ સોનું 3450 રૂપિયા સુધી સસ્તું થયું છે.
દિલ્હી-મુંબઈમાં સોનાના લેટેસ્ટ ભાવ
આજે 18 ઓક્ટોબરના રોજ રાજધાની દિલ્હીમાં સવારના સમયે 24 કેરેટ સોનાનો ભાવ 147810 રૂપિયા પ્રતિ 10 ગ્રામ છે. મુંબઈમાં આ ભાવ 147660 રૂપિયા પ્રતિ 10 ગ્રામ પર છે. આ અઠવાડિયે સોનાનો વૈશ્વિક ભાવ 0.7 ટકા નબળો પડ્યો છે. શનિવારે ઇન્દોરના બજારમાં સોનું 400 રૂપિયા વધીને 1,48,200 રૂપિયા પ્રતિ 10 ગ્રામના સરેરાશ સ્તરે પહોંચ્યું હતું. દેશમાં સોના-ચાંદીના ભાવ સ્થાનિક પરિબળોની સાથે વૈશ્વિક પરિબળોથી પણ પ્રભાવિત થાય છે.
દેશના કેટલાક મોટા શહેરોમાં સોનાના ભાવ
| શહેર | 24 કેરેટ સોનાની કિંમત | 22 કેરેટ સોનાની કિંમત |
| દિલ્હી | 1,47,810 | 1,35,500 |
| મુંબઈ | 1,47,660 | 1,35,350 |
| કોલકાતા | 1,47,660 | 1,35,350 |
| ચેન્નઈ | 1,47,660 | 1,35,350 |
| અમદાવાદ | 1,47,710 | 1,35,400 |
| રાજકોટ | 1,47,710 | 1,35,400 |
ચાંદીના ભાવની સ્થિતિ
સોનાની જેમ ચાંદી પણ વીકલી ધોરણે સસ્તી થઈ છે. એક અઠવાડિયામાં ચાંદીના ભાવમાં 10000 રૂપિયાનો ઘટાડો થયો છે. 18 ઓક્ટોબરની સવારે ચાંદીની કિંમત 230000 રૂપિયા પ્રતિ કિલોગ્રામ પર પહોંચી છે. શનિવારે ઇન્દોરના બજારમાં ચાંદીના સરેરાશ ભાવમાં 200 રૂપિયાના ઘટાડા સાથે 2,13,800 રૂપિયા પ્રતિ કિલોગ્રામ ભાવ નોંધાયો હતો. આંતરરાષ્ટ્રીય બજારમાં હાજર ચાંદીનો ભાવ 57.05 ડોલર પ્રતિ ઔંસ છે. આ વર્ષે જાન્યુઆરીમાં દેશમાં ચાંદીની કિંમત 4 લાખ રૂપિયા પ્રતિ કિલોગ્રામની રેકોર્ડ સપાટી પર પહોંચી ગઈ હતી.
સોનું અને ચાંદી ખરીદતી વખતે કઈ બાબતોનું ધ્યાન રાખવું?
જો તમે સોનું ખરીદી રહ્યા હોવ તો હંમેશા હોલમાર્ક તપાસો અને 6 અંકનો HUID કોડ જોઈને જ ખરીદી કરો. ચાંદી માટે પણ BIS હોલમાર્ક હોય છે અને તેમાં 925 સ્ટર્લિંગ સિલ્વરને સૌથી સારી ગુણવત્તાનું માનવામાં આવે છે. ઉપરાંત, ખરીદી પહેલાં સોના અને ચાંદીની શુદ્ધતાની તપાસ પણ જરૂર કરાવો.